Дин

Казанда авыру балаларның көнкүрешенә багышланган түгәрәк өстәл уза

10 июльдә Коммерцияле булмаган оешмалар йортында балалар һәм аларның гаиләләренә ярдәм күрсәтү буенча фикер алышына.
09.07 17:46

(Казан, 9 июль, “Татар-информ”). 10 июль көнне Казанның Коммерцияле булмаган оешмалар йортында "Үсешләрендә үзенчәлекләре булган балалар һәм аларның гаиләләренә күпьяклы ярдәм. Проблемалар һәм чишү юллары" дигән темага түгәрәк өстәл утырышы узачак. Казанда авыру балалар һәм аларның гаиләләрендәге көнкүреш мәсьәләләре буенча фикер алышу булачак. Бу хакта Татарстан мөселманнарының Диния нәзарәте матбугат хезмәте хәбәр итә.

Җыелышны "Зәкят" Хәйрия фонды һәм Татарстан мөселманнарының Диния нәзарәте үткәрә. Очрашу барышында авыру балаларның тормыш-көнкүреш сыйфатларын яхшырту һәм тәрбия кылучы гаиләләргә ярдәм күрсәтү мәсьәләләре каралачак. Түгәрәк өстәл эшендә җирле хакимият вәкилләре, хәйрия фондлары, ата-аналар катнашачак.

Авыру балаларга ярдәм күрсәтү "Зәкят" хәйрия фондының өстенлекле эш юнәлеше булып тора. Махсус программа кысаларында 2016 елда 39 балага дәвалану өчен курсларга акча күчерелде, 2017 елда ярдәм күрсәтелгән балаларның саны 57гә җитте. Быел алты ай эчендә матди ярдәм 34 балага күрсәтелде.

Утырыш Казанның Коммерцияле булмаган оешмалар йортында (НКО, 8 Март урамы, 18 йорт.) узачак. Башлана 14.00 сәгатьтә, дип хәбәр ителә, Татарстан мөселманнарының Диния нәзарәте матбугат хезмәте хәбәрендә.

 

 

КӨН ҮЗӘГЕНДӘ

Рөстәм Миңнеханов Түбән Новгород губернаторы инаугурациясе тантанасында катнашачак

Татарстан Президенты кыска вакытлы эш сәфәре белән Түбән Новгородка барачак.

Р.Миңнеханов "Татнефтехиминвест-холдинг" директорлар советының чираттагы утырышын уздырды

Россия фәннәр академиясе Россия төбәкләрендә Р-ОДФО термопластик өлешчә критсаллашучы полиимид һәм башка полиимидлар производствосын оештырырга тели.

Казаның автопассажир оешмаларына табигый газда эшләүче 30 автобус тапшырдылар

Ел азагына кадәр Татарстан башкаласында табигый газда йөрүче 82 “НЕФАЗ” һәм Lotos автобус йөри башлаячак.

Илдус Фазлетдинов: Матбугат калькалар белән чуарланган, ясалма телгә якынрак

Татар журналисты әйтүенчә, бүгенге матбугат замана укучысының рухи ихтыяҗларын канәгатьләндерми.

Сәмәй шәһәренең Татар сәнгать мәктәбендә Сөмбелә бәйрәмен билгеләп үттеләр

Әлеге бәйрәм шәһәр күләмендә икенче тапкыр оештырылган.