Спорт

Казан югары уку йортларының берсендә тренерлар факультеты ачыла - федерация рәисе

Булачак тренерларны Идел буе дәүләт физик культура, спорт һәм туризм академиясе әзерләячәк.
09.07 17:15

(Казан, 9 июль, “Татар-информ”, Динә Йосыпова). Казанда югары уку йортларының берсендә тренерлар факультеты ачылачак. Булачак тренерларны Идел буе дәүләт физик культура, спорт һәм туризм академиясе әзерләячәк. Бүген бу хакта IT-паркта – Чемпионатның шәһәр матбугат үзәгендә Татарстан Республикасы футбол федерациясе рәисе Александр Гусев әйтте.

Александр Гусев Татарстан Республикасында 200 арбитр хезмәт күрсәтүен әйтте. “Аерым мәсьәлә булып футбол белән шөгыльләнүче кешеләр тора. Бу – бәла. Хакимнәр проблемасы хәл ителде, арбитрлар мәктәбе эшли. Ел саен 20 арбитр чыгарабыз. Бүгенге көндә Татарстан Республикасында узган һәр матчта хезмәт күрсәтүче 200 арбитр бар. 40 арбитр - беренче категорияле, шул сәбәпле алар бар төрле футбол ярышларында да эшли алалар”, - диде ул.

ТР футбол федерациясе рәисе Россия футбол командасының балалар составында 5 тәрбияләнүчеләре уйнавын әйтте. “Без балалар белән 9 яшьтән эшли башлыйбыз. Башка регионнарда футбол федерациясе күп очракта балалар белән 11 яшьтән эшли башлый. Бүгенге көндә Россия футбол командасының балалар составында безнең 5 тәрбияләнүчебез уйный. Шуларның өчесе – кызлар”, - диде ул.

Шулай ук Александр Гусев Республикада тренерларга белем бирү хакында да әйтте. “Идел буе дәүләт физик культура, спорт һәм туризм академиясе ректоры белән килештек. Академиядә тренерлар факультеты ачылачак”, - диде ул.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.