Хәвеф-хәтәр

Әлмәт районында электр счетчигын алыштырганда 19 яшьлек егетне ток суккан

Фаҗига Яңа Нәдер авылында якшәмбе көнне иртән булган.
09.07 17:31

(Казан, 9 июль, “Татар-информ”). Әлмәт районында электр счетчигын алыштырганда 19 яшьлек егетне ток суккан. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Яңа Нәдер авылындагы бәхетсезлек очрагы турында хәбәр якшәмбе көнне иртән иртүк бердәм 112 ашыгыч хезмәте номерына шаһитлардан алынган.

Егет үзлектән электр счетчигын алыштырырга керешкән. Кайсыдыр мизгелдә 19 яшьлек егетне ток суккан. Гадәттән тыш хәл булган урынга 7нче зона янгын сүндерү-коткару бүлеге хезмәткәрләре, ашыгыч медицина хезмәткәрләре килеп җиткән. Алар ток сугудан һәлак булган егетне багана төбендә күргән. Егетнең гәүдәсе Әлмәт моргына озатылган. 

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.