Фән һәм мәгариф

Кукмарада татар теле һәм әдәбияты укытучыларының күчмә утырышы узды

Әлеге чарада республикадан килгән 450 делегат катнашты.
09.07 22:00

(Кукмара, 9 июль, "Татар-информ, "Хезмәт даны", Гөлгенә Шәрипова). Кукмара районында татар теле һәм әдәбияты укытучыларының 7нче Бөтенроссия съездының күчмә утырышы булды. Укытучыларның республика август киңәшмәсе кысаларында үткәрелгән әлеге чарада татар этномәдәни компонентлы мәгариф учреждениеләре директорлары, мәгариф идарәсе башлыкларының укыту-методик эшчәнлек буенча урынбасарлары, милли мәгариф һәм төбәкара хезмәттәшлек буенча методистлар, укытучылар, иҗтимагый оешма җитәкчеләре катнашты, дип яза җирле басма.

Кунаклар Кукмара һәм Зур Сәрдек гимназияләрендә, Манзарас мәктәбендә, Кукмараның "Кыңгырау", "Кояшкай", "Йолдызлык", Зур Сәрдекнең "Әкият" балалар бакчаларында булдылар. 450 делегат катнашында узган чараның программасы да искиткеч бай иде.

Пленар утырышында Татарстан Республикасының фән һәм мәгариф министрының беренче урынбасары Илсур Һадиуллин да катнашты.

- Һәрберебезне татар телен укыту ничек булыр, аны киләчәк буын өчен саклый алырбызмы, дигән сорау борчый. Бу мәсьәлә бүген мәктәпләрдә, гаиләләрдә генә түгел, ил күләмендә хәл ителергә тиеш. Безгә эшләү өчен шартлар бар, бары тик алардан нәтиҗәле файдаланырга гына кирәк, - диде ул үз чыгышында. – Бүген без Кукмара районында мәгариф эшенең торышы белән таныштык. Биредә күпмилләтле халык яши, алар дус-тату гомер итә, үз телләрендә белем ала. Безне кунакчыл кабул итүләре өчен зур рәхмәт белдерәбез. Без аларның уңай тәҗрибәләренә, тормыш-көнкүрешләренә сокландык.

 

 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Казан мэры Президент юлламасы турында: Бурычлар куелды һәм без аларны үтәргә әзер

Рөстәм Миңнеханов Дәүләт Советына юлламасында республиканың тотрыклы социаль-икътисади үсешен саклауның әһәмиятен әйтте.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.