Хәвеф-хәтәр

Әлмәт районында юл һәлакәтендә хатын-кыз һәлак булган

Юл-транспорт һәлакәте кичә кич Әлмәт – Лениногорск юлының 16нчы чакрымында булган.
09.07 18:33

(Казан, 9 июль, “Татар-информ”). Әлмәт районында җиңел машина һәм трактор катнашындагы һәлакәттә хатын-кыз үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Әлмәт– Лениногорск юлының 16нчы чакрымында, Миңнебай авылыннан ерак түгел урында булган юл-транспорт һәлакәте турындагы хәбәр якшәмбе көнне кичен соң гына бердәм 112 экстрен хезмәте номерына алынган.

Рульдә 64 яшьлек ир-ат булган “Лада Калина” автомобиле прицеплы тракторга килеп бәрелгән. Бәрелү бик көчле булган, җиңел машинада йөртүчесе һәм пассажиры кысылып калган. 

Һәлакәт булган урынга 15нче янгын-сүндерү часте хезмәткәрләре килеп, җимерелгән машинаның аккумуляторын сүндергән. “Лада” машинасыннан 57 яшьлек пассажир хатын-кызны чыгарганнар. Ул алган җәрәхәтләрдән урында үлгән. Машина йөртүчене ашыгыч ярдәм машинасында Әлмәт медсанчастенә озатканнар.

 

КӨН ҮЗӘГЕНДӘ

15 июльнең төп вакыйгалары - фото һәм сылтамалар

"Безнең яңа укытучы"гранты ияләре билгеле,"Ефәк юлы" марафоны катнашучылары парадка җыелды, Бөтенроссия авыл Сабан туе киләсе елга Самарада була.

Мөселман балалар Сабан туе батыры билгеле булды

Абсолют батырга көрәшнең төп призы – скутер тапшырылды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Васил Шәйхразиев татарча сөйләшүче балаларны милләтнең иң зур горурлыгы дип саный

Милли шура рәисе сүзләренчә, татар халкы туган телен белгән оныкларым белән горурланам, дип яшәргә тиеш.