Мәдәният

Мамадыштагы Питрау бәйрәменә 35 фольклор коллектив чакырылган

Бәйрәмдә шулай ук Ришат Төхвәтуллин, Венера Ганиева, Георгий Ибушев, Раяз Фасыйхов, Виталий Агапов, Иркә, Вадим Захаров һ.б. чыгыш ясаячак.
09.07 20:46

(Казан, 9 июль, “Татар-информ”). 14 июльдә 19нчы тапкыр узачак Питрау бәйрәмендә Татарстаннан, Чиләбе өлкәсеннән һәм Башкортстаннан фольклор коллективлар җыелачак. Бу хакта "Туганайлар" газетасы хәбәр итә.

Питрәч, Теләче, Чиләбе өлкәсе Париж авылыннан, Кукмара, Башкортостан республикасы Бакалы районы, Зәй, Менделеев, Балык Бистәсе районыннан килгән коллективлар импровизацияләнгән "Керәшен авылында" үз йортларына, ишегалларына чакыралар.

Тырлау аланында фестиваль кунагы татар эстрадасы йолдызлары чыгышын карый һәм керәшен җырларын тыңлый алачак. Сәхнәдә Ришат Төхвәтуллин, Венера Ганиева, Георгий Ибушев, Раяз Фасыйхов, Виталий Агапов, Иркә, Вадим Захаров, Миңгол Галиев, Алина Даутова, Марина Карпова, Ришат Фазлыяхмәтов, Радик Шәрибҗанов, Рәфинә Ганиуллина, шулай ук “Бәрмәнчек” ансамбле чыгышлары көтелә.

Яшьләр дискотекасында Илназ Сафиуллин, Мөнир Рахмаев, Илназ Гарипов, Вилдан Villi, Альберт Нурминский һәм Фәрит Низамиев чыгыш ясаячак.

Кайбер мәгълүмат чараларында бәйрәмгә Надежда Кадышева киләчәк дигән хәбәр таралды. "Туганайлар" газетасы бу хәбәрнең дөрес булмавын әйтә. 

КӨН ҮЗӘГЕНДӘ

15 июльнең төп вакыйгалары - фото һәм сылтамалар

"Безнең яңа укытучы"гранты ияләре билгеле,"Ефәк юлы" марафоны катнашучылары парадка җыелды, Бөтенроссия авыл Сабан туе киләсе елга Самарада була.

Мөселман балалар Сабан туе батыры билгеле булды

Абсолют батырга көрәшнең төп призы – скутер тапшырылды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Васил Шәйхразиев татарча сөйләшүче балаларны милләтнең иң зур горурлыгы дип саный

Милли шура рәисе сүзләренчә, татар халкы туган телен белгән оныкларым белән горурланам, дип яшәргә тиеш.