Мәдәният

Әтнә районында берьюлы 70 кеше балык тотты

Әтнә районының Олы Мәңгәр халык театры балык тотучылар бәйгесе уздырды.
10.07 06:00

(Казан, 10 июль, “Татар-информ, “Әтнә таңы”, Сүрия Мингатина). Әтнә районының Олы Мәңгәр халык театры коллективы тамашачыларына елына ике-өч тапкыр менә шундый бүләк ясый. Бу ялда тамашаның чираттагысы “Балык тотучылар бәйгесе” рәвешендә узды, дип яза җирле басма.

Бирегә килүче җитмешләп балыкчы Олы Мәңгәр авылының “Вәли бай йорты” дип исемләнгән архитектура истәлеге каршында җәйрәп яткан "Айдар күле"ндә балык тоттылар. Бәйге төп-төгәл сәгать 7 дә башланды. Балык тотарга килүчеләрне Олы Мәңгәр авыл җирлеге башлыгы Вазих Хисмәтуллин сәламләде. "Мәңгәр"хуҗалыгы рәисе Айдар Шәрипов та катнашучыларга уңышлар теләде. Шулай ук бәйгегә район мәдәният бүлеге мөдире Азат Хәйретдинов та килде. Җырчылар Риваль Хисмәтуллин белән Руслан Галиуллин да бар иде. Үзәктә - театрның режиссеры Рафис Сәләхетдинов һәм аның артистлары, алар бирегә килүчеләргә бәйрәм ясадылар. Тамаша, уен-көлке, мәзәк, җор сүзгә кытлык булмады. Күл буе гына түгел, Олы Мәңгәр авылы гөрләп торды.

Ухасы пеште, шашлыгы кызыктырды, чәе кайнап торды, җаның ни тели, шунысыннан авыз итәргә мөмкин иде.

Сәгать 10 да бәйгегә йомгак ясалды. Иң зур балык тотучы Ислам Габдрахманов булып чыкты. Ә иң кечкенә балык тотучы буларак, Насыйбуллин Радил бүләкләнде. Алар гына да түгел,номинацияләп, һәр катнашучыга диярлек саллы гына бүләк тапшырылды, диелгән район хәбәрендә. 

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Казанда татар юмор мәктәбен ачарга җыеналар

“Мин юморист” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.