Мәдәният

Чирмешән районы Әмир авылының Сабан туе батырына скутер бүләк ителде

Әлеге авыл егете Фәнил Нуретдинов икенче ел рәттән Әмир Сабан туенда баш батыр булып кала.
10.07 07:00

(Чирмешән, 10 июль, “Татар-информ“, “Безнең Чирмешән“, Кадыйр Гомәров). Чирмешән районы Әмир авылының Сабан туе үткәрелде, дип яза җирле басма.

Кунаклар төркемендә көрәшкән һәм призлы урыннар яулаган күршеләрне – Лашман егетләрен һәм башка көрәшчеләрне дә бүләксез калдырмадылар.

Гомумән, “Авыл көне“ндә дистәләгән әмирлене сәхнәгә дәштеләр. 50 һәм күбрәк яшьтә юбилейларын билгеләп үткәннәр, быел мәктәпкә укырга керүчеләр, эшендә алдынгылар да тансык бәйрәмнән бүләкләр алып киттеләр. Милли киемнәрдән килүчеләр арасында да җиңүчеләр ачыкланды.

Бертуган Фазыйл һәм Миндар Әгъләмовлар бер ел дәвамында Әмирдә туган балаларны да игътибарсыз калдырмыйлар. Бу юлы алар биргән 100 мең сум акча Тимерҗановларны сөендерде.

-Налиягә, өченче балабызга дип алган бу акчаны яңа төзелүче йортыбызда балалар бүлмәсен ясауга тотачакбыз, - диләр әти кеше Нәсим, әниләре Фәнисә.

Әтиләренә ошасалар, бу кызлар мондый бәйрәмнәрдән бер дә буш кайтмаслар, Нәсим Сабан туе уеннарының барысында да диярлек актив катнашты. Әмир кияве ул, уңган, җитез, булдыклы, авылда бик хөрмәтле.

Сургутта эш йөртүче Әгъләмовлар инде алтынчы тапкыр үткәрүче Сабан туеның быелгысында ат чабышлары да оештырдылар, җиңүчегә тәкә бүләк иттеләр. Уеннарда катнашучыларга да призлар исәпсез иде.

Район Сабан туена тиң диярлек Әмирдәге әлеге бәйрәмгә әллә кайлардан килгәннәр, масштаб сокландыргыч. Оештыручылар, авылдашлар, туганнары көче белән мәйдан һәм аның тирәсе төзекләндерелгән, матурланган. Фазыйлның чираттагы ялы бәйрәмгә әзерлек мәшәкатьләрендә узган диярлек. Лашман авыл җирлеге Советы да кирәкле ярдәмне күрсәткән.

-Туган авылларына, районга да гел булышып торучы Фазыйл һәм Миндар Әгъләмовларга район башлыгы Фердинат Дәүләтшин район башлыгының Мактау грамотасын тапшырды, бизнесларының алга баруын теләде, изге эшләре өчен рәхмәт белдерде, киләсе елда Әмир урамнары юлларын төзекләндерүгә ярдәмгә дә ышандырды.
-Туган авылыбыз яши, матурая, көчлеләнә, моңа горурланабыз, - диделәр Әгъләмовлар, бәйрәм белән котлауларында. -Без моңа шат, Әмир, районыбыз, милләтебез хакына янә файда китереп эшләргә язсын. Балалар күбрәк тусын иде, вәгъдә ителгән сумманы без андыйларга киләчәктә дә бирербез.

Чирмешән районы Әмир авылының Сабан туе батыры Фәнил Нуретдиновка скутер бүләк ителде.

Әмирдәге Сабантуйда - “Авыл көне“ндә Казаннан килгән бик күп артистлар – җырчылар, биючеләр, нәфис сүз осталары сәхнәгә чыкты. Кич белән халыкны, кунакларны “Казан егетләре“ җилкендерде. Иң ахырдан салют булды, диелгән район хәбәрендә.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.

Боксчы Артур Сөбхәнкулов хәзер өйрәнмәсәк, оныкларыбыз татар телен онытачак, дип исәпли

Россия һәм Куба җыелма командалары арасында халыкара матчта җиңгән боксчы егет татар телен камил белмәвеннән ояла.