Икътисад

Лаеш районында тагын бер технопарк ачарга җыеналар

Технопаркта ICL компаниясе офислары белән «Иннополис» махсус икътисади зонасының башка резидентлары да урнашачак.
10.07 11:00

(Казан, 10 июль, «Татар-информ»). Татарстанның Лаеш районындагы махсус икътисади зона территориясендә тагын бер технопарк ачарга җыеналар. ТР мәгълүматлаштыру һәм элемтә министры Роман Шәйхетдинов «Татар-информ» агентлыгына биргән интервьюсында шулай дип әйтте.

«Без тагын бер технопарк төзү өчен өстәмә акча җәлеп итәргә ниятлибез. Алдагы ике елда Лаеш районындагы махсус икътисади зона территориясендә икенче технопарк сафка басар дип өметләнәм», - диде министр.

Лаештагы мәйданчыкның төп үзенчәлеге шунда: биредә барлык биналар да шәхси инвестор - ICL компаниясе хисабына төзелгән. 2016 елның августында ул махсус икътисади зона резиденты статусын алган, 2018 елда исә гомуми мәйданы 13 295 квадрат метр тәшкил иткән 8 катлы бина торгызган. Биредәге 1200 эш урынының 700е тулган инде.

Технопаркта ICL компаниясе офислары гына түгел, «Иннополис» махсус икътисади зонасының башка резидентлары да урнашачак. 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Казан мэры Президент юлламасы турында: Бурычлар куелды һәм без аларны үтәргә әзер

Рөстәм Миңнеханов Дәүләт Советына юлламасында республиканың тотрыклы социаль-икътисади үсешен саклауның әһәмиятен әйтте.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.