Хәвеф-хәтәр

Чаллыда, өстән тәмәке төпчеге төшеп, күпкатлы йортта янгын чыккан

Янгында йорт кирәк-яраклары һәм мебельгә зыян килгән.
10.07 14:32

(Казан, 10 июль, «Татар-информ»). Чаллыда, өстән тәмәке төпчеге төшеп, күпкатлы йортта янгын чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсеннән хәбәр иттеләр.

Сарман трактындагы 52нче йортта янгын чыгуы турындагы хәбәр 112 бердәм номерына 10 июльдә төнге беренче яртыда килгән.

ЗЯБ бистәсендә күпкатлы йортның өченче катындагы бер фатирда балкон һәм залга ут капкан. 55 һәм 56нчы янгын-коткару частьләре хезмәткәрләре, баскыч ярдәмендә кибеткә терәп салынган кибет түбәсенә менеп, шуннан янгынны сүндерергә керешкән. Подъездда ут белән көрәшүчеләр фатир ишеген ачып, анда зыян күрүчеләр бармы-юкмы икәнлеген тикшергән. Хуҗабикә эштә булган.

Алты квадрат метр мәйданда әйберләр һәм мебель янган. Зыян күрүчеләр юк.

Янгын югары каттан кемдер ыргыткан сүндерелмәгән тәмәке төпчеге аркасында килеп чыккан дип фаразлана. 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.