Фән һәм мәгариф

Татарстан балаларга “Артек”та ял итү өчен 332 юллама алган

Республикадан 192 бала ял итү өчен Балалар ял үзәгенә җибәрелгән инде.
10.07 17:38

(Казан, 10 июль, “Татар-информ”, Надежда Гордеева). Татарстан “Артек” халыкара балалар үзәгендә балалар ялы өчен 332 квота алган. Хәзерге вакытта республиканың 19 шәһәр һәм районыннан 192 бала Балалар ял үзәгенә җибәрелгән инде. Бу хакта Татарстан Министрлар Кабинетында узган брифингта республиканың яшьләр эшләре буенча министры Дамир Фәттахов әйтте.

Спикер сүзләренчә, “Артек.балалар” автоматлаштырылган федераль система булдырылганлыктан, лагерьга балалар шәхси казанышлары исәпкә алынып җибәрелә. Аерым алганда, сайтта балалар олимпиадаларда, бәйгеләрдә, спорт ярышларында һәм социаль проектларда яулаган грамота һәм дипломнарын урнаштыралар. Әлеге мәгълүматтан чыгып, рейтинг формалаштырыла һәм шуннан юлламалар бүленә.

Быел Татарстаннан “Артек”ка юлламаларга бәйгедә уртача бер урынга тугыз кеше катнаша. Ә аерым сменаларга исә бер юлламага 30 кеше дәгъва итә, диде Фәттахов.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.