Мәдәният

Теләчедә Яшьләр бәйрәмендә уңышка ирешкән укучыларны бүләкләделәр

Бәйрәмне район башкарма комитеты җитәкчесенең социаль мәсьәләләр буенча урынбасары Артем Галеев ачып җибәрде.
11.07 01:00

(Теләче, 10 июль,  “Татар–информ”, "Теләче", Эльмира Әхмәтҗанова). Теләче районы ял паркында ел саен яшьләр көнен билгеләп узу матур гадәткә кереп бара. Бәйрәм яшьләр арасында популяр булган футбол, волейбол ярышы белән башланып киттте. Бәйгедә катнашырга дип күрше Саба районыннан да команда килгән иде. Спорт ярышларында яшьләр яратып уйнады, мәйданчык янына җанатарлар да күп җыелды диелә район хәбәрендә.

Бәйрәмне район башкарма комитеты җитәкчесенең социаль мәсьәләләр буенча урынбасары Артем Галеев ачып җибәрде. Ул яшьләргә, чарага килүчеләргә изге теләкләрен җиткерде. Чара барышында Гаилә, мәхәббәт һәм тугрылык көне уңаеннан нәкъ менә шул көнне үзләренең никахларын теркәгән, ике бала үстерүче Теләче авылыннан Әскәровлар, Алексеевлар гаиләсе, спорт өлкәсендә югары уңышларга ирешкән яшьләр, ГТО нормаларын бик яхшыга тапшыручылар да сәхнә түренә чакырылды. Бәйрәмнең иң күңелле мизгелләре укуда югары уңышларга ирешкән егет –кызларны, аларның мөгәллимнәрен, әти–әниләрен сәхнә түрендә хөрмәтләү булды. Зур тормыш юлына аяк атлаучы яшьләрне Артем Галеев, район мәгариф бүлеге җитәкчесе Наталья Карпова тәбрик итте.

Балалар өчен уен мәйданчыклары эшләде.

Җыр- моң яратучылар район үзешчәннәре катнашында оештырылган концертны тамаша кылды. Соңыннан, ачык һавада зур экран аша турыдан–туры футбол уеннарын карау мөмкинлеге тудырылды, диелгән район басмасында.

 

КӨН ҮЗӘГЕНДӘ

Рөстәм Миңнеханов Түбән Новгород губернаторы инаугурациясе тантанасында катнашачак

Татарстан Президенты кыска вакытлы эш сәфәре белән Түбән Новгородка барачак.

Р.Миңнеханов "Татнефтехиминвест-холдинг" директорлар советының чираттагы утырышын уздырды

Россия фәннәр академиясе Россия төбәкләрендә Р-ОДФО термопластик өлешчә критсаллашучы полиимид һәм башка полиимидлар производствосын оештырырга тели.

Казаның автопассажир оешмаларына табигый газда эшләүче 30 автобус тапшырдылар

Ел азагына кадәр Татарстан башкаласында табигый газда йөрүче 82 “НЕФАЗ” һәм Lotos автобус йөри башлаячак.

Илдус Фазлетдинов: Матбугат калькалар белән чуарланган, ясалма телгә якынрак

Татар журналисты әйтүенчә, бүгенге матбугат замана укучысының рухи ихтыяҗларын канәгатьләндерми.

Сәмәй шәһәренең Татар сәнгать мәктәбендә Сөмбелә бәйрәмен билгеләп үттеләр

Әлеге бәйрәм шәһәр күләмендә икенче тапкыр оештырылган.