Җәмгыять

Чирмешәндәге туган як тарихы музеена 27 картина алып кайтканнар

Туймәт авылында туып үскән, бүгенге көндә отставкадагы подполковник Фәйзелхак Галимов туган як тарихы музеена бәясез бүләк ясаган.
11.07 08:00

(Чирмешән, 11 июль, “Татар-информ“, “Безнең Чирмешән“, Кадрия Гамирова). Чирмешән районы Туймәт авылында туып үскән, Лашман мәктәбен тәмамлаган, бүгенге көндә отставкадагы подполковник Фәйзелхак Галимов туган як тарихы музеена бәясез бүләк ясаган. Озакламый аның 27 картинасы һәм агачтан кырып эшләнгән сыннары күргәзмә залында урын алачак, дип яза җирле басма.

Ул үзенең картиналарында туган ягының табигатен, авыл урамнарын сурәтләгән, ә скульптура әсәрләренең күбесе сугыш темасына багышланган.

Бүгенге көндә Бөгелмә шәһәрендә гомер итүче Фәйзелхак Хөсәен улы иҗат эшенә отставкага чыккач керешә, хезмәт иткән вакытта аның моңа вакыты да булмый. Ул әле үзенең тормыш юлы турында “Линия моей судьбы” дигән китап та язган. Фәйзелхак абыйның ир туганы Габделхак Галимовны халык шигырьләр язучы буларак та белә.

Фәйзелхак Галимов күп дистә картина ясаган. Ул туган як тарихы музее хезмәткәрләре белән элек тә элемтәдә булган. 86 яшьлек рәссам компьютер аша аралаша, Интернет белән дә дус. Картиналарын бүләк итәргә теләвен әйткәч, аларны Бөгелмәгә барып алганнар, ә күргәзмәне ачу чарасына ул үзе кайтырга ышандырган.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.