Җәмгыять

Россиядә автомобильләрне теркәү кагыйдәләрен гадиләштерәләр

Дәүләт Думасында яңа автомобильләрне теркәү кагыйдәләрен үзгәртәчәк закон кабул итәчәкләр.
11.07 11:05

(Казан, 11 июль, “Татар-информ”). Дәүләт Думасында озакламый яңа автомобильләрне теркәү кагыйдәләрен үзгәртәчәк закон кабул итәчәкләр. Бу хакта РИА Новости хәбәр итә.

Транспорт буенча Дума комитеты “Транспорт чараларына дәүләт теркәве турында” закон проектын икенче укылышта кабул итүне тәкъдим иткән. Проект беренче укылышта 2013 елда ук узган, шуннан соң эшләнеп бетерү стадиясендә булган.

Төзәтмәләрдә рәсми дилерлардан яңа автомобиль сатып алучылар өчен теркәү процессы сизелерлек җиңеләячәк, дип күзаллана. Аерым алганда, яңа машина хуҗаларын машинаны исәпкә алу өчен ЮХИДИга барудан азат итәчәкләр, бу эш белән дилерлар шөгыльләнәчәк.

Автосалоннар, үз чиратларында, тикшерү үткәннән соң “махсуслашкан оешма” статусын алачак. Авторизацияләнгән дилерлар үзләре номерларны әзерләп, клиентка барлык документлар комплектын ачкычлар белән бергә тапшырачак. Закон проекты нигезендә әлеге хезмәт түләүле булачак.

Моннан тыш, документ дәүләт теркәү билгесен (символлар куелган металл пластина) һәм дәүләт номеры (хәрефләр һәм саннар җыелмасы) төшенчәсен аерачак. Закон проекты нигезендә билгеләрне австосалонда, ә номерларның үзләрен ЮХИДИда алырга мөмкин булачак.
 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.