Мәдәният

Йолдыз Шәрапова гаиләсенә "Мәхәббәт һәм тугрылык өчен" медален тапшырдылар

"Гаилә сүзе русча "7 мин" дип тәрҗемә ителә. Һәр гаиләдә 7 мин булырга тиеш!" – дигән Йолдыз Шәрапова.
11.07 13:49

(Казан, 11 июль, "Татар-информ"). Балалар шагыйрәсе Йолдыз Шәрапова гаиләсенә "Мәхәббәт һәм тугрылык өчен" медален тапшырдылар. Бу турыда Татарстан Язучылар берлеге хәбәр итте.

"Алдагы елларда Татарстан Язучылар берлеге тәкъдиме белән, бу медальне язучы Нәбирә Гыйматдинова һәм язучы Галимҗан Гыйльманов гаиләләре алган иде. Быел әлеге медальгә, Идарә карары белән, каләмдәшебез, балалар шагыйрәсе, Абдулла Алиш премиясе лауреаты Йолдыз Шәрапова гаиләсе лаек дип табылды", диелгән әлеге хәбәрдә.

Шулай итеп, Татарстан Язучылар берлеге тәкъдиме белән, Йолдыз Шәрапова гаиләсенә "Мәхәббәт һәм тугрылык өчен" медален биргәннәр.

Йолдыз Шәрапова гаиләсендә биш бала үстерәләр. Алар җәмәгать эшләрендә дә актив катнашырга вакыт табалар. Шәраповлар тәрбиягә бала алган гаиләләрнең "Без бергә" республика оешмасының да актив әгъзалары.

"Гаилә сүзе русча "7 мин" дип тәрҗемә ителә. Һәр гаиләдә 7 мин булырга тиеш!" – дигән Йолдыз Шәрапова. 

  • Россиядә 2008 елдан башлап 8 июльдә Гаилә, Мәхәббәт һәм Тугрылык көне билгеләп үтелә. Бу көнне 25 елдан артык бер-берсен яратып, хөрмәт итеп яшәгән, Казан һәм Татарстан тормышында актив катнашкан парларга "Мәхәббәт һәм тугрылык өчен" медале тапшырыла.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Казанда татар юмор мәктәбен ачарга җыеналар

“Мин юморист” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.