Җәмгыять

Татарстанда яшенле яңгырлар көтелә

Быел Россиядә иң эссе чор июль ахыры – август башына туры киләчәк.
11.07 14:33

(Казан, 11 июль, “Татар-информ”). Татарстанда эссе һава торышы булу сәбәпле, яшенле яңгырлар көтелә. Бу хакта Россия Гидрометеорология һәм әйләнә-тирә мохитне күзәтү үзәгенең һава торышына кыска фаразлар һәм куркыныч күренешләр бүлеге җитәкчесе Александр Голубев “Российская газета”га интервьюда сөйләгән.

Россиянең күп кенә төбәкләрендә, шул исәптән Татарстанда да, югары температуралы эссе һава торышы урнашу сәбәпле, яшенле болытлар барлыкка килә. Нәтиҗәдә көчле һәм яшенле яңгырлар көтелә. 

Татарстанда 12 һәм 13 июльдә явым-төшем булуы ихтимал. Татарстан Гидрометеорология һәм әйләнә-тирә мохитне күзәтү идарәсе фаразлары буенча, җил секундына 15 – 20 метрга кадәр көчәергә мөмкин. Шулай ук кыска вакытлы яшенле яңгыр яву ихтимал.

Синоптиклар фаразлавынча, аерым районнарда томан төшәчәк. 

Россиядә быел иң эссе чор июль ахыры – август башына туры киләчәк. Россия Гидрометеорология һәм әйләнә-тирә мохитне күзәтү үзәге мәгълүматлары буенча, Татарстанда якшәмбе, 15 июльдән, башлап 28 градуска кадәр җылыта башлаячак.

 

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.