Җәмгыять

Путин мәгариф турындагы законга үзгәрешләр кертүне раслады

2019 елның 1 гыйнварыннан педагоглар дәүләт йомгаклау аттестациясе үткәргән өчен компенсация алачак.
11.07 16:34

(Казан, 11 июль, “Татар-информ”). Россия Президенты Владимир Путин мәгариф турындагы законга “Бердәм Россия” партиясе тәкъдим иткән үзгәрешләрне имзалады. Бу хакта “Бердәм Россия” партиясенең Татарстан төбәк бүлеге матбугат хезмәте хәбәр итә.

Сүз педагогларга дәүләт йомгаклау аттестациясенә әзерлек һәм үткәрү өчен компенсация түләү турында бара.

Закон 2019 елның 1 гыйнварыннан үз көченә керәчәк. Төзәтмәләр буенча, педагогларга БДИ, шулай ук аттестация формалары өчен хезмәт хакын һәм чыгымнарны компенсацияләү гарантияләнә.

“Федерация субъектларында һәм муниципалитетларда укытучыларга эш сәгатеннән тыш эшләгән өчен элек тә компенсация түләү каралган иде. Әмма кайбер төбәкләрдә ул түләнмәгән, чөнки андый түләүләр закон белән гарантияләнмәгән булган”, - дип ачыклык кертте РФ Федераль Җыен Дәүләт Думасының Милләтләр эше комитеты рәисе Илдар Гыйльметдинов.

Закон шушы түләүләрне гарантияләү өчен кабул ителә, диде Гыйльметдинов. "Сүз укытучыларның хокукларын яклау турында бара. Закон, асылда, укытучыларга дәүләт йомгаклау аттестациясе уздырган өчен компенсация түләү буенча төбәкләрнең бурычларын билгели", - диде депутат.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.