Җәмгыять

“WorldSkills” дөнья чемпионаты Казанда 250 мең кеше җыячак

“Һөнәри осталык буенча дөнья чемпионатында 60 илдән 1400 кеше катнашачак”, - диде Эмиль Гобәйдуллин.
11.07 17:47

(Казан, 11 июль, “Татар-информ”, Динә Йосыпова). “WorldSkills” дөнья чемпионаты Казанда 250 мең кеше җыячак. Һөнәри осталык буенча дөнья чемпионатында 60 илдән 1400 кеше катнашачак. Бүген бу хакта IT-паркта – Чемпионатның шәһәр матбугат үзәгендә “Спорт һәм социаль проектлар дирекциясе” КБАО генераль директоры урынбасары Эмиль Гобәйдуллин әйтте.

  • WorldSkills” Саймон Бартлиның 2012 елның апрелендә Россиягә килүе белән башланды. Әлеге чемпионат ике елга бер тапкыр дөньяның төрле өлешләрендә уза. “WorldSkills” һөнәри осталык буенча дөнья чемпионаты 6 компетенциядән тора. Монда сәнәгать җитештерүе; хезмәтләр күрсәтү өлкәсе; информацион һәм коммуникацион технологияләр; иҗат һәм дизайн; төзелеш өлкәсе; гражданлык транспортына хезмәт күрсәтү керә. 2019 елда Казанда узачак чемпионатта тагын бер компетенция, киләчәк компетенциясе өстәләчәк.

Эмиль Гобәйдуллин сүзләренчә, чемпионатта төрле илләрдән килгән 1400 кеше катнашачак. “Һөнәри осталык буенча дөнья чемпионатында 60 илдән 1400 кеше катнашачак дип көтелә. Катнашучыларның яше, гадәттә, 22дән артып китми. Катнашучыларга 1200 эксперт бәя бирәчәк. Дөнья чемпионатын 250 мең кеше карарга киләчәк дип көтелә. Тамашачылар арасында башка ил вәкилләре дә булачак. 1300 гаммәви мәгълүмат чарасы хезмәт күрсәтәчәк. Чемпионат “Казан Экспо” халыкара күргәзмә үзәгендә үтәчәк. Бу 45 нче дөнья чемпионаты булачак. Чемпионат 8 август көнне Көньяк-Сахалинскида старт алачак”, - диде Эмиль Гобәйдуллин.

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.