Хәвеф-хәтәр

Буа районында чит ил машинасы, юл кырына төшеп китеп, урман полосасына кергән

Һәлакәт аркасында җиңел машина йөртүчесе һәм пассажиры зыян күргән.
11.07 17:33

(Казан, 11 июль, “Татар-информ”). Татарстанның Буа районында чит ил машинасы, юлдан төшеп китеп, урманга кергән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Юл-транспорт һәлакәте турындагы хәбәр ашыгыч хезмәтнең 112 бердәм номерына бүген көндез килгән.

“Шевроле Кобальт”автомобиленең 48 яшьлек йөртүчесе идарәне югалткан һәм юл кырыена төшеп киткән. Автомобиль агачка бәрелү аркасында нык җимерелгән һәм бер ягына ауган.

Һәлакәт аркасында җиңел машина йөртүчесе һәм пассажиры зыян күргән. Ир-атның баш мие селкенгән һәм күкрәге имгәнгән. Хатын-кыз ике аягын имгәткән. Зыян күрүчеләрне ашыгыч ярдәм машинасында Буа Үзәк район хастаханәсенә озатканнар.

Һәлакәт урынына 11нче янгын сүндерү-коткару часте хезмәткәрләре килгән һәм җимерек автомобильнең аккумляторын сүндергәннәр.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.