Сәясәт, Җәмгыять

Миңнеханов Идел буе федераль округы төбәкләре җитәкчеләре рейтингында лидерлыкта калды

Матбугат чаралары Миңнехановның Н.Назарбаев һәм Н.Саркози белән очрашуларын, Алтай краенда Сабан туенда катнашуын һәм “ШАТЛ” тест-драйвны яктырткан.
11.07 20:22

(Казан, 11 июль, “Татар-информ”). Татарстан Республикасы Президенты Рөстәм Миңнеханов июнь нәтиҗәләре буенча чираттагы тапкыр Идел буе федераль округы төбәкләре җитәкчеләре медиарейтингын җитәкләде. “Медиалогия” компаниясе аналитиклары ММЧ һәм соцмедиа хәбәрләре буенча сәясәтчеләр активлыгын күзәтеп шундый нәтиҗә ясаган.

Миңнеханов ИФО субъектларының 14 җитәкчесе арасында 52 361 медиаиндекс (бу 8128 хәбәр) белән рейтингта беренче урынны алган. ММЧ “КАМАЗ” чыгарган “ШАТЛ” пилотсыз электробусын Татарстан Президенты тест-драйв уздыруын яктыртканнар. Күпсанлы мәгълүматларга Миңнехановның Алтай краенда Сабан туенда катнашуы сәбәп булган. Шулай ук ММЧ Татарстан Президенты белән Казахстан Президенты белән очрашуы һәм Рөстәм Миңнехановның Нурсолтан Назарбаевка Россия белән Татарстанның хезмәттәшлеге өчен рәхмәт белдерүе турында хәбәр иттеләр. Франциянең элеккеге президенты Николя Саркози белән очрашу һәм аның Казандагы 2018 елгы Дөнья чемпионаты атмосферасы турында әйтүе игътибар үзәгендә булган.

Идел буе федераль округы төбәкләре җитәкчеләре медиарейтингында икенче урынны Түбән Новгород өлкәсе губернаторы вазифасын башкаручы Глеб Никитин, өченче урынны Самара өлкәсе губернаторы вазифаларын башкаручы Дмитрий Азаров алды.

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.