Мәдәният, Татар дөньясы

Азнакайда сигезенче тапкыр "Чатыр тауда җыен" халык иҗаты фестивале уздырыла

Фестивальгә чит ил кунаклары, илнең төрле төбәкләреннән вәкилләр, республика җитәкчелеге чакырулы.
12.07 08:33

(Казан, 12 июль, “Татар-информ”). Иртәгә, 13 июльдә, Азнакай районында “Чатыр тауда җыен” дип исемләнгән халык иҗаты фестивале үткәрелә. Бу хакта Азнакай районының рәсми сайтында хәбәр ителә.

Бәйрәм 10.00 сәгатьтә Чатыр тауда төрки халыклар фольклор коллективлары чыгышы белән ачыла.

11.00 сәгатьтә җыен кунаклары “Чатыр тау җиле” дигән сәхнәләштерелгән тамаша карый алачак.

Фестивальдә төрки халыкларның көнкүрешен чагылдырган “Чәкчәк аланы", "Сөлге аланы" һәм “Халыклар дуслыгы” урамы оештырыла. Җыенда шулай ук төрле милләтләрнең йорт ихаталары күренешләре, күргәзмәләр, кул эшләре һәм милли ризыклар ярминкәсе булачак. Программага халык уеннары, осталык дәресләре уздыру да кергән.

“Чатыр тауда җыен” фестиваленә чит ил кунаклары, илнең төрле төбәкләреннән вәкилләр, республика җитәкчелеге чакырулы. 

Концертта Башкортстан Республикасы һәм Татарстан районнары үзешчән сәнгать коллективлары чыгыш ясаячак. 

Чатыр тау җыены 17.00 сәгатьтә Татарстанның “Сорнай” һәм “Риваять” фольклор ансамбьләре чыгышы белән тәмамланачак.

  • Чатыр тау – Азнакай районының "визит карточкасы". Татарстанның иң биек ноктасы булган бу тауда төрки халыкларның “Чатыр тауда җыен” халык иҗаты фестивале Азнакай муниципаль районы тарафыннан үткәрелеп килә. Быел ул 8 нче тапкыр уздырыла. Чатыр тау җыены – Азнакай һәм күрше-тирә районы халыкларының яраткан бәйрәме. Узган ел фестивальдә беренче тапкыр Татарстан Республикасы Дәүләт Советы рәисе, Татарстан халыклары ассамблеясе советы рәисе Фәрит Мөхәммәтшин да катнашты.

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.