Җәмгыять

Саба районында тугызынчы гаиләгә "Мәхәббәт һәм тугрылык өчен" медале тапшырылды

Бу бүләк Россиянең 25 елдан артык үрнәк тормышта яшәүче гаиләләренә бирелә.
12.07 01:00

(Саба, 12 июль, "Татар-информ", "Саба таңнары", Фәридә Вилданова). Быел Саба  районында тугызынчы гаиләгә "Мәхәббәт һәм тугрылык өчен" медале тапшырылды, дип яза җирле басма.

Россиянең 25 елдан артык үрнәк тормышта яшәүче гаиләләренә бирелә торган иҗтимагый бүләгенә быел Шекше авылында яшәүче Рәмзия һәм Тәлгать Хуҗиннар лаек булып, бу көн алар өчен гаилә бәйрәменә әверелде. Мөхтәрәм парны тәбрикләргә Шекше мәдәният йортына балалары, хезмәттәшләре, туганнары, авылдашлары, җирлек җитәкчелеге килгән иде. Иң элек Хуҗиннарны муниципаль район башлыгы Рәис Миңнеханов тәбрикләп, мәртәбәле бүләк – «Мәхәббәт һәм тугрылык өчен» медале тапшырды.

«Һәр елны әлеге бәйрәм уңаеннан районыбызда яшәү үрнәкләре белән башкаларга өлге булырлык гаиләләр барлана. Быел мәртәбәле бүләккә сезнең гаилә лаек дип табылды. Әлеге медальнең дәрәҗәсе бик югары. Гаилә бөтенлеген, аның кыйммәтләрен саклап яшәү зур бәхет тә, шул ук вакытта олы җаваплылык та. Сез һәркем сокланырлык тормыш юлы үтеп, яшь буынга үрнәк булып торасыз. Районыбызда әлеге медальгә лаек булучылар күбрәк булса иде», – диде Рәис Миңнеханов тәбрикләү чыгышында.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.

Боксчы Артур Сөбхәнкулов хәзер өйрәнмәсәк, оныкларыбыз татар телен онытачак, дип исәпли

Россия һәм Куба җыелма командалары арасында халыкара матчта җиңгән боксчы егет татар телен камил белмәвеннән ояла.