Җәмгыять

Саба муниципаль район башлыгы "Фидакарь хезмәт өчен" медальләрен тапшырды

Һәр ике ветеран да сугышта да, илебезне күтәрүдә дә зур батырлык үрнәкләре күрсәткәннәр, матур гаиләләрдә балалар үстергәннәр.
12.07 06:00

(Саба, 12 июль, "Татар-информ", "Саба таңнары", Фәридә Вилданова). Саба муниципаль район башлыгы Рәис Миңнеханов Көек авылында яшәүче Бөек Ватан сугышы ветераны Шаһи Гайфетдин улы Гайфиевның, Тимершык авылында гомер кичереп, бүген Иләбәр авылында кызы гаиләсе тәрбиясендә яшәүче Хасиятулла Насыйбулла улы Насыйбуллинның күкрәгенә Татарстан Республикасы Хөкүмәте бүләге – «Фидакарь хезмәт өчен» медале такты. Бу хакта район газетасы хәбәр итә.

«Сугыш михнәтләрен дә күргәнсез, тыныч тормышта да намуслы хезмәт куйгансыз. Бик зур рәхмәт сезгә», – диде район башлыгы.

Һәр ике ветеран да сугышта да, илебезне күтәрүдә дә зур батырлык үрнәкләре күрсәткәннәр, матур гаиләләрдә балалар үстергәннәр. Бүген инде икесе дә балалары тәрбиясенә, алар ярдәменә мохтаҗлар.

Шаһи Гайфиев армиягә 1944 елда алына, Суслонгер газаплары кичерә. Ветеранга бандерачыларга каршы көрәшергә дә туры килә. 1948 елның августында гына авылына әйләнеп кайта.

Хасиятулла абый да 1944 елда сугышка алынып, Украинаның Кобыль шәһәрендә фронтка әзерлиләр. Польша чигендә күперләрне, тимер юлларны саклыйлар. Җиңү көнен Украинада каршылый. Карчыгы Әминә белән биш бала тәрбияләп үстерәләр. «Әтиебез сугыш турында сөйләргә яратмады. Сезгә кирәкле әйбер юк анда, дия иде. 80 яшенә кадәр итек басты, мич чыгарды. Бик тырыш кеше булды. Аларның хезмәтләрен онытмыйча, шулай хөрмәтләвегезгә зур рәхмәт», - ди кызы Фәйрүзә Габделхакова.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.

Боксчы Артур Сөбхәнкулов хәзер өйрәнмәсәк, оныкларыбыз татар телен онытачак, дип исәпли

Россия һәм Куба җыелма командалары арасында халыкара матчта җиңгән боксчы егет татар телен камил белмәвеннән ояла.