Икътисад

РФ Хезмәт һәм социаль яклау министрлыгы үзгәрештән соң булачак пенсиянең күләмен атады

Пенсияне исәпләү өчен хезмәткәрнең лаеклы ялга чыгар алдыннан соңгы эш урынындагы хезмәт хакы күләме түгел, ә гомер буе эшләгән хезмәт хакы алына.
12.07 09:57

(Казан, 12 июль, «Татар-информ»). Пенсия законына үзгәрешләр кертелгәннән соң, россиялеләр хезмәт хакының 40 проценты күләмендә уртача иминият пенсиясе белән тәэмин ителәчәк, ә пенсиянең иң зур күләме 34 мең сумга якын булачак, дип хәбәр итте РФ хезмәт һәм социаль яклау министры урынбасары Андрей Пудов. Бу хакта мәгълүмат агентлыкларына сылтама ясап, «Известия» газетасы яза.

Пудов билгеләп үткәнчә, пенсияне исәпләү өчен хезмәткәрнең лаеклы ялга чыгар алдыннан соңгы эш урынындагы хезмәт хакы күләме түгел, ә гомер буе эшләгән хезмәт хакы алына. Нәтиҗәдә, исәп-хисап базасы азрак булып чыга. Министр урынбасары илдә уртача хезмәт хакының 40 мең сум тәшкил итүен искәртте. Бу 16 мең сум күләмендәге пенсиягә тәңгәл килә.

Июнь аенда Россия хезмәт һәм социаль яклау министры Максим Топилин «Известия»гә 2019 елда пенсиянең уртача күләме 15,4 мең сум тәшкил итәчәк дип белдергән иде.

  • Хәзерге вакытта Россиядә ир-атлар – 60, хатын-кызлар 55 яшьтән пенсиягә чыга. Аны 2034 елга ир-атлар өчен – 65, хатын-кызларга 63 яшькә кадәр арттырырга тәкъдим ителә. Шуның хисабына Хөкүмәт лаеклы ялдагыларның пенсиясен арттырырга ниятли.

 


 

КӨН ҮЗӘГЕНДӘ

Рөстәм Миңнеханов “КАМАЗ”ны Татарстанның бренды һәм горурлыгы дип атады

2019 елда "КАМАЗ" автогиганты 50 еллык юбилеен билгеләп узачак.

2019 ел ТАССР төзелүнең 100 еллыгына әзерлекнең мөһим этабы булачак

Татарстан Президенты яшьләрне республика юбилеен бәйрәм итүгә актив җәлеп итәргә кушты.

Татарстан Президенты Җирле үзидарә органнары структурасы стандартын төзергә кушты

Рөстәм Миңнеханов фикеренчә, җирле үзидарә органнары эшенең нәтиҗәлелеген арттыру өчен, аларны яңа стандартлар буенча төзергә кирәк.

Рөстәм Миңнеханов: Җир эшләргә тиеш

Файдаланылмаган җирләрне хуҗалык әйләнешенә җәлеп итәргә кирәк, диде Татарстан Президенты.

Президент районнарда эшмәкәрлекне үстерүне хакимият башлыкларының бурычы дип атады

Рөстәм Миңнеханов үзенең еллык Юлламасында балаларны мәктәп яшеннән үк эшмәкәрлеккә өйрәтү мөһимлеген әйтте.