Дин

Хаҗ сәфәрендә Татарстан хаҗиларына татар милли ризыклары тәкъдим ителәчәк

Милли ризыклар әзерләү өчен, хаҗилар белән бергә беренче тапкыр Татарстаннан пешекче барачак.
12.07 11:22

(Казан, 12 июль, «Татар-информ»). Татарстан хаҗиларына Согуд Гарәбстанына изге сәфәр вакытында татар милли ризыклары тәкъдим ителәчәк. Алар Татарстан пешекчесе әзерләгән ашлар белән тукланачак. Бу хакта «Татар-информ» агентлыгына «ТР Диния нәзарәте Хаҗ» директоры урынбасары Илдус Сабитов хәбәр итте.

Аның сүзләренчә, милли ризыклар әзерләү өчен, хаҗилар белән бергә беренче тапкыр Татарстаннан пешекче барачак.

«Ул хаҗилар өчен татар халык ризыклары әзерләячәк. Моңа кадәр Татарстан хаҗиларына төрек ризыклары тәкъдим ителә иде», - дип искәртте Сабитов.

Ул билгеләп үткәнчә, бу бары тик «Стандарт» программасы буенча турлар сатып алган хаҗилар өчен генә каралган.

Быел Согуд Гарәбстаны Хөкүмәте чит ил паспортларына ябыштырыла торган традицион визалардан да баш тарткан. Хәзер чикне үткәндә хаҗилар А4 форматындагы кәгазьгә чыгартылган паспорт һәм виза күрсәтергә тиеш.

  • 2018 елда Татарстаннан 1800 кеше хаҗга барачак. Аларның беренче төркеме Согуд Гарәбстанына 4 августта юл тота.

«Юлламаның бәясе 149 мең сумнан башлана. Бу – хаҗилар арасында иң популяр пакет», - дип искәрттеләр ТР Диния нәзарәте матбугат хезмәтендә. 

КӨН ҮЗӘГЕНДӘ

Президент Татарстан белән Джохор штатының хезмәттәшлек мөмкинлекләре зур булуын әйтте

Рөстәм Миңнеханов белән Джохор штаты солтаны Ибраһим Исмаил очрашуда үзара хезмәттәшлекне үстерү мәсьәләләре хакында фикер алышты.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.

Татарстан мәчетләрендә татар телен өйрәнү курслары башлана

Курсларны уздыру вакыты озайтыла: белем бирү дәвамлылыгы элеккечә 3 айга түгел, ә ярты елга исәпләнгән.