Икътисад

Быелның беренче яртыеллыгында Татарстан нефтьчеләре 17,64 млн тонна «кара алтын» чыгарган

Узган елгы күрсәткечләр белән чагыштырганда, нефть табу күләме 0,7 процентка кимегән.
12.07 12:09

(Карабаш, 12 июль, «Татар-информ», Егор Никитин). 2018 елның беренче яртыеллыгында нефтьчеләр Татарстан территориясендә 17,64 миллион тонна «кара алтын» чыгарган. Узган елгы күрсәткечләр белән чагыштырганда, нефть табу күләме 0,7 процентка кимегән. Моның сәбәбе - ОПЕК+ килешүен үтәүгә кайтып кала. ТР Президенты Рөстәм Миңнеханов республика Нефть саммитында шул хакта хәбәр итте.

Нефтяной Саммит Республики Татарстан 2018 года. 
Проводит Президент Республики Татарстан 
Р.Н. Минниханов.

«Нефть чыгару күләме узган ел белән чагыштырганда 0,7 процентка кимеде. Бу илебезнең ОПЕК+ килешүе шартларын үтәвенә бәйле. Шуңа да карамастан, бу республика нефтьчеләренә инвестицияләр күләмен киметергә комачауламады», - дип искәртте Миңнеханов.

«Татарстанның нефть сәнәгате стратегик бурычларны хәл итүен дәвам итә. Бүген без «ТАНЕКО» комплексында ике яңа җайланма эшләтеп җибәрдек. Алар ел саен өстәмә рәвештә югары сыйфатлы 1,6 миллион тонна дизель ягулыгы һәм 500 мең тоннадан артык керосин эшләп чыгарырга мөмкинлек бирә», - дип сөйләде республика лидеры.

Нефтяной Саммит Республики Татарстан 2018 года. 
Проводит Президент Республики Татарстан 
Р.Н. Минниханов.

Татарстан Президенты әйткәнчә, хәзерге вакытта «Татнефть»тә гаять зур потенциал тупланган. «Ул бары тик компетентлы хезмәткәрләр булган очракта гына тиешле нәтиҗә бирергә мөмкин. Шунлыктан кеше капиталын үстерү мәсьәләсе саммитның үзәк темасы итеп алынуы тикмәгә түгел», - дип сүзен йомгаклады Рөстәм Миңнеханов. 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.