Икътисад

ТР Кытай провинцияләре белән хезмәттәшлек килешүләре санын тугызга җиткерергә ниятли

Кичә Татарстанга Хэйлунцзян провинциясеннән губернатор Ван Вэньтао җитәкчелегендәге зур делегация килде.
12.07 14:52

(Казан, 12 июль, «Татар-информ», Арсений Маврин). ТР Кытай провинцияләре белән хезмәттәшлек килешүләре санын тугызга җиткерергә ниятли. 2018 һәм 2019 еллар Россиядә төбәкара элемтәләрне җайга салу еллары дип игълан ителде.

Татарстан әлеге юнәлештә актив эшли: ТР һәм Кытай провинцияләре белән имзаланган биш килешүгә бүген тагын берәү (Хэйлунцзян провинциясе белән) өстәләчәк.

  • Кичә Татарстанга Хэйлунцзян провинциясеннән губернатор Ван Вэньтао җитәкчелегендәге зур делегация килде. Бүген кунаклар Татарстанның икътисади һәм инвестицион потенциалы белән танышачак, Иннополиста, Зөя утрау-шәһәрлегендә һәм Казан Федераль университетында булачак, ә кичен Татарстан Президенты белән очрашуда килешүгә кул куелыр дип көтелә.

«Моннан тыш, тагын шундый өч килешү имзалау стадиясендә. Безнең Кытай Халык Республикасы провинцияләре белән мөнәсәбәтләр ике дәүләт башлыгы дәрәҗәсендәге стратегик партнерлыкка корылган», - дип ачыклык кертте ТР Президенты матбугат хезмәте җитәкчесе урынбасары Лилия Галимова ТР Хөкүмәте йортында узган брифингта.

«Без ике арадагы мөнәсәбәтләрнең югары дәрәҗәдә булуына куанабыз, Татарстан Президенты ел саен Кытайга сәфәр кыла, республиканың потенциалын тәкъдим итеп, эшлекле форумнар һәм безнең базарга яңа инвестицияләр җәлеп итү буенча сөйләшүләр үткәрә», - диде Казан Кремленең рәсми вәкиле. 

КӨН ҮЗӘГЕНДӘ

Рөстәм Миңнеханов “КАМАЗ”ны Татарстанның бренды һәм горурлыгы дип атады

2019 елда "КАМАЗ" автогиганты 50 еллык юбилеен билгеләп узачак.

2019 ел ТАССР төзелүнең 100 еллыгына әзерлекнең мөһим этабы булачак

Татарстан Президенты яшьләрне республика юбилеен бәйрәм итүгә актив җәлеп итәргә кушты.

Татарстан Президенты Җирле үзидарә органнары структурасы стандартын төзергә кушты

Рөстәм Миңнеханов фикеренчә, җирле үзидарә органнары эшенең нәтиҗәлелеген арттыру өчен, аларны яңа стандартлар буенча төзергә кирәк.

Рөстәм Миңнеханов: Җир эшләргә тиеш

Файдаланылмаган җирләрне хуҗалык әйләнешенә җәлеп итәргә кирәк, диде Татарстан Президенты.

Президент районнарда эшмәкәрлекне үстерүне хакимият башлыкларының бурычы дип атады

Рөстәм Миңнеханов үзенең еллык Юлламасында балаларны мәктәп яшеннән үк эшмәкәрлеккә өйрәтү мөһимлеген әйтте.