Җәмгыять

Гадәттән тыш хәлләр министрлыгы яшенле яңгыр вакытында иминлек кагыйдәләре турында искәртә

Иртәгә Татарстанда томан һәм яшенле яңгыр көтелә.
12.07 15:44

(Казан, 12 июль, «Татар-информ»). Татарстан Гадәттән тыш хәлләр министрлыгы яшенле яңгыр вакытында иминлек кагыйдәләре турында искәртә. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Иртәгә, 13 июльдә, республика территориясендә яшенле яңгыр явачак. Җилнең тизлеге секундына 15-20 метрга кадәр җитәргә, шулай ук урыны белән томан төшәргә мөмкин.

Һава торышы бозылу нәтиҗәсендә су басу очраклары күзәтелергә, электр тапшыру линияләре, реклама конструкцияләренә зыян килергә, агачлар аварга мөмкин.

Коткаручылар яшенле яңгыр вакытында өйдән чыкмаска, урамда калган очракта реклама такталарына якын килмәскә һәм агач астына яшеренмәскә киңәш итә. Машина йөртүчеләргә исә, артык ихтыяҗ булмаганда, шәһәрдән читкә чыкмаска, юлда тизлек режимын сакларга кирәк.
 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.