Җәмгыять

Үзбәкстанда Татарстанның “Химград” инновацияләр мәйданы филиалын ачалар

Татарстан Президенты һәм Ташкент өлкәсе Хакиме Үзбәкстанда Татарстан технополисы филиалын булдыру турында килештеләр.
09.08 20:27

(Казан, 9 август, “Татар-информ”, Динара Прокопьева). Казанда эшләүче “Химград” инновацион мәйданы филиалы Үзбәкстан Республикасының Ташкент өлкәсендә барлыкка киләчәк. Бу хакта Татарстан Президенты Рөстәм Миңнеханов һәм Үзбәкстан Республикасының Ташкент өлкәсе Хакиме Гуломжон Ибраһимов Казан Кремлендә сөйләшүләр барышында килештеләр.

Миңнеханов Ташкент өлкәсен Үзбәкстан Республикасында әйдәп баручыларның берсе, дип атады. Аның сүзләренчә, өлкә хакиме Гуломжон Ибраһимовның планнары күп.

Сөйләшүләр барышында хезмәттәшлекнең берничә юнәлеше буенча фикер алыштылар. Бу - беренчедән, Татарстанга Ташкент өлкәсеннән күмәртәләп продукция кертү һәм Үзбәкстаннан товарны туры җибәрү структурасын булдыру.

“Икенчесе — “Химград” инновацион мәйданы. Без Үзбәкстан, Ташкент өлкәсе белән уртак филиал булдыруны телибез. Үзбәкстанда, Ташкент өлкәсендә бизнес булдырырга теләүче эшмәкәрләр бар инде. Без идарәчеләрне, технологияне бирәбез. Ташкент өлкәсе шулай ук ярдәм итәр”, - диде Рөстәм Миңнеханов сөйләшүләрдән соң журналистларга.

Ул шулай ук якын арада Татарстан делегациясенең Ташкент өлкәсендә булачагын әйтте. Ул шулай ук Үзбәкстанга эшлекле сәфәр планлаштыра.
Ташкент өлкәсе Хакиме Гуломжон Ибраһимов Татарстанга ике көнлек эш сәфәре белән килде. Чит ил делегациясе шулай ук “Химград” технополисында булды.

  • Быел май аенда Татарстан Хөкүмәте һәм Ташкент өлкәсе хакимияте арасында сәүдә-икътисади, фәнни-техник, социаль һәм мәдәни өлкәдә халыкара һәм тышкы икътисади элемтәләрне тормышка ашыру турында килешү имзаланды.


 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.