Рәсми Татарстан

Төркия компанияләре вәкилләре Татарстанда яңа проектларны гамәлгә ашырырга тели

Рөстәм Миңнеханов Төркия компанияләре топ-менеджменты вәкилләре белән очрашты.
10.08 12:27

(Казан, 10 август, «Татар-информ»). Бүген Татарстан Президенты Рөстәм Миңнеханов Төркиянең «Гюрсой Груп», «Кальон» и «Танрыверди Холдинг» компанияләре топ-менеджменты вәкилләре белән очрашты. Төркия компанияләре вәкилләре Татарстанда яңа проектларны гамәлгә ашыруда катнашырга теләк белдерде. Бу хакта республика лидерының матбугат хезмәте хәбәр итә.

  • Төркиянең «Гюрсой Груп», «Кальон» и «Танрыверди Холдинг» компанияләре топ-менеджменты вәкилләре 8 августка Казанга эш сәфәре белән килде. Татарстан Республикасы Инвестицион үсеш агентлыгында ТР Дәүләт комитеты вәкилләре, шулай ук ТР Төзелеш, архитектура һәм ТКХ министрлыгы җитәкчелеге катнашында һ.б. очрашулар узды.

Рөстәм Миңнеханов бүген, ТР Хөкүмәте йортында кунакларны сәламләп, 2018 елның апрелендә Истанбулда узган очрашуда Төркия компанияләренең төзелеш, инфраструктура проектларын гамәлгә ашыру, шулай ук Татарстанда тематик күңел ачу паркы төзелешендә катнашу мөмкинлеге хакында фикер алышулар үткәрелүен искәртте.

"Әлеге сәфәр барышында сез парк төзеләчәк җир кишәрлекләре белән таныштыгыз һәм республикабызның мөмкинлекләренә бәя бирдегез инде", - диде Рөстәм Миңнеханов.

Компания вәкилләре кыскача гына үз эшчәнлекләре һәм гамәлгә ашырылган иң зур проектлар хакында сөйләде. Аерым алганда, «Гюрсой» компаниясе сәүдә үзәкләре, күңел ачу һәм тематик парклар төзү белән шөгыльләнә. Компания вәкилләре Татарстанда яңа проектларны гамәлгә ашыруда катнашырга теләк белдерде.

Шулай ук бүген Рөстәм Миңнеханов барында «Гюрсой» компанияләр төркеме, Туризм буенча ТР дәүләт комитеты һәм ТР Инвестицион үсеш агентлыгы арасында багланышлар турында килешү имзаланды.

  • 9 августта Төркия компанияләре вәкилләре «Авиакосмик технологияләр, заманча материаллар һәм җиһазлар» 9нчы Халыкара махсуслаштырылган күргәзмәсенең рәсми ачылышында катнашты, Лаеш районында Туризм буенча ТР дәүләт комитеты рәисе Сергей Иванов һәм район башлыгы Михаил Афанасьев белән Столбище авылында парк өчен тәкъдим ителә торган җир кишәрлеген карады.

 

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.