Икътисад

Төркия инвесторлары Татарстанда күңел ачу паркы төзергә мөмкин

Ул Лаеш районындагы төзелеп бетмәгән «Смарт сити» урынында сафка басар дип көтелә.
10.08 14:57

(Казан, 10 август, «Татар-информ»). Төркия инвесторлары Татарстанның Лаеш районындагы төзелеп бетмәгән «Смарт сити» урынында күңел ачу паркы сафка бастырырга мөмкин. Бу хакта «Анадолу» агентлыгы хәбәр итә.

«Гюрсой групп» компаниясе идарә әгъзасы Фатих Гюрсой, «Кальон холдинг»ның үсеш буенча директоры Салих Левент Качар һәм «Танрыверди холдинг» компаниясе идарә әгъзасы Джелал Зинзаде Лаеш районының Столбище авылы янындагы потенциаль мәйданчык белән танышты.

Алар шулай ук республика Инвестицион үсеш агентлыгында, Сәнәгать һәм Сәүдә, Төзелеш, архитектура һәм ТКХ министрлыкларында сөйләшүләр үткәрде, шуннан соң Татарстан Президенты Рөстәм Миңнеханов белән очрашты.

Татарстанда Истанбул шәһәрендәге Isfanbul сәүдә-күңел ачу проектын хәтерләткән парк ачылыр дип көтелә, аңа 650 миллион доллар күләмендә инвестиция кертелгән. Истанбулдагы сәүдә зонасы комплексына ел саен - 15 миллион, аттаракционнар паркына 1 миллионга якын кеше килә, шуларның 40 проценты — туристлар. Моннан ике ел элек Isfanbul Европа тематик паркларының беренче унлыгына кергән.

 

 

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.