Рәсми Татарстан

Татарстан Президенты Түбән Камадагы яңа суд бинасын югары бәяләде

4 мең квадрат метр мәйданны биләгән суд бинасы федераль максатчан программа кысаларында төзелгән.
10.08 15:13

(Казан, 10 август, «Татар-информ»). Бүген Түбән Кама шәһәрендә яңа суд бинасы ачылды. Тантаналы чарада Татарстан Президенты Рөстәм Миңнеханов, Түбән Кама муниципаль районы башлыгы Айдар Метшин, ТР Югары суды рәисе Илгиз Гыйләҗев, Түбән Кама һәм башка районнарның суд органнары вәкилләре катнашты. Бу хакта республика лидерының матбугат хезмәте хәбәр итә.

Ачылыш тантанасында чыгыш ясап, Рөстәм Миңнеханов 4 мең квадрат метр мәйданны биләгән суд бинасының федераль максатчан программа кысаларында төзелүен искәртте. Ул бүген Чаллыда да шушындый яңа бина ачылуы хакында хәбәр итте.

Торжественное открытие здания Нижнекамского городского суда

Рөстәм Миңнеханов ил, Россия Югары суды җитәкчелегенә, әлеге объектларны төзүдә актив катнашкан һәркемгә рәхмәт белдерде.

«Федераль, арбитраж, җәмәгать судларын үз эченә алган безнең суд системасы Россия Президенты куйган таләпләргә җавап бирергә тиеш, - диде Рөстәм Миңнеханов. - Аларны үтәү өчен лаеклы шартлар тудырырга кирәк. Түбән Кама суды коллективына әлеге искиткеч бинада уңышлы эшчәнлек телим».

 Шуннан соң ТР Суд департаменты идарәсе башлыгы Җәүдәт Салихов Түбән Кама шәһәр суды рәисе Газиз Гыйсметдиновка символик ачкыч тапшырды, яңа бинада бары тик гадел карарлар гына кабул ителүен теләде.

Аннары мактаулы кунаклар суд бинасы белән танышты.  

 

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.