Сәясәт

Дәүләт Советы һәм Хөкүмәт Юллама буенча комплекслы план эшләячәк - Ф.Мөхәммәтшин

Ул Юлламаны төп индикаторларга бәя бирү, төбәк үсешенең стратегик юнәлешләренә анализ бирүне үз эченә алган программа-сәяси документ дип атады.
24.09 18:20

(Казан, 24 сентябрь, "Татар-информ", Гөлнар Гарифуллина). Татарстанның Дәүләт Советы һәм Хөкүмәт республика Президентының парламентка еллык Юлламасын гамәлгә ашыру буенча комплекслы план эшләячәк. ТР Дәүләт Советы Рәисе Фәрит Мөхәммәтшин парламент утырышында шулай дип белдерде.

 Ул Юлламаны эчке һәм тышкы вагыятьнең төп индикаторларына бәя бирү, төбәк үсешенең стратегик юнәлешләренә эчтәлекле анализ бирүне үз эченә алган программа-сәяси документ дип атады.

"Татарстан - Президент Рөстәм Миңнеханов җитәкчелегендә үсешкә йөз тоткан режимда яши. Дөньякүләм әһәмияткә ия зур спорт чаралары югары дәрәҗәдә үткәрелде. Тагын да күбрәк кешеләр киң масштабта безнең күпмилләтле республикабызның кунакчыллыгы һәм уникаль мәдәни мирасы белән танышты. Шунысы мөһим: чимал базарында санкцияләр басымы, тотрыксызлык фонында Татарстан социаль-икътисади күрсәткечләрнең позитив динамикасын һәм халыкара контактларда активлыгын саклый", - диде Фәрит Мөхәммәтшин.

Ул бүген республикада эшче һөнәрләр буенча WorldSkills дөнья чемпионатына һәм ТАССР оешуга 100 ел тулуга багышланган чараларга әзерлек баруын әйтте.

"Барлык хакимият органнары адресына анализ һәм төгәл йөкләмәләр бүген Президент докладында тагын бер кат яңгырады. Безнең гамәлләргә, парламентка карата бәясен татарстанлылар киләсе елда алтынчы чакырылыш Дәүләт Советы депутатларын сайлау вакытында бирәчәк", - дип белдерде парламент рәисе.

 

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына