Дин

Федерация Советында 2018 елгы Хаҗ нәтиҗәләре турында сөйләштеләр

Быел Согуд Гарәбстанына Россиянең 79 төбәгеннән 22 мең кеше хаҗ кылырга барды
26.09 13:57

(Казан, 26 сентябрь, "Татар-информ"). Кичә Россия Федерация Советында киңәшмәдә 2018 елгы Хаҗ нәтиҗәләре турында сөйләштеләр. Бу турыда Татарстан мөселманнары Диния нәзарәте матбугат хезмәте хәбәр итте.

Чарада сүз 2018 елгы Хаҗ нәтиҗәләре һәм 2019 елга эш планы турында барды. Ильяс Умаханов искәртеп узганча, быел Согуд Гарәбстанына Россиянең 79 төбәгеннән 22 мең кеше хаҗ кылырга барды. Быелгы хаҗның үзенчәлеге электрон паспорт-бейджлар кулланудан гыйбарәт булды, диелгән әлеге хәбәрдә.

Очрашуда Федерация Советы рәисе урынбасары, Россия Хөкүмәтенең Хаҗ эшләре буенча вәкаләтлесе Ильяс Умаханов, Россиянең Хаҗ миссиясе җитәкчесе Магомед Гамзаев, федераль министрлыклар һәм ведомстволар вәкилләре, Диния нәзарәтләре һәм хаҗ операторлары башлыклары, вәкилләре катнашты. Киңәшмәдә катнашучылар арасында «ДУМ РТ Хаҗ» җитәкчесе Ранис хәзрәт Вахитов та бар иде.

  • 2018 елда Татарстаннан 1800 кеше хаҗ кылды. Алар барысы да Татарстанның «ДУМ РТ Хаҗ» рәсми хаҗ операторын сайлады.

«ДУМ РТ Хаҗ» туроператоры һәрбер хаҗига яшел-саргылт төстә чемодан һәм сумка тапшырды. Әлеге төс халык арасында татарстанлыларга югалмаска ярдәм итте. Хаҗиларны юлда һәм хаҗ гамәлләрен үтәгәндә тәҗрибәле, гарәп, татар һәм рус телләрендә камил аралашучы җитәкчеләр озатып йөрде. Төркемнәрдә якынча 50 кеше тупланды. «ДУМ РТ Хаҗ» мөселманнарны мөһим гыйбадәткә әзерлек эшләрен күптән башлаган иде. Республиканың барлык мөхтәсибәтләрендә хаҗ дәресләре оештырылды. Әлеге лекцияләрдә имамнар һәм дин белгечләре хәнәфи мәзһәбе буенча хаҗ үтәүнең үзенчәлекләрен аңлаттылар. Әлеге мәзһәб буенча эшләүче Татарстан операторы Россиядә бердәнбер санала. 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына