Сәясәт

Рөстәм Миңнеханов Кытай компартиясенең Шаньдун провинциясе секретарен Татарстанга чакырды

Татарстан делегациясе Цзинань шәһәрендә Кытай коммунистлар партиясе комитетының Шаньдун провинциясе секретаре Лю Цзяи әфәнде белән очрашты.
27.09 16:02

(Казан, 27 сентябрь, "Татар-информ"). Бүген Татарстан Республикасы Президенты Рөстәм Миңнеханов Кытай коммунистлар партиясе комитетының Шаньдун провинциясе секретаре Лю Цзяи әфәндене Татарстанга чакырды. Ул Лю Цзяи әфәндегә, Россиягә эш сәфәре кысаларында, безнең республикага да килергә тәкъдим итте.  Бу турыда Татарстан Президенты матбугат хезмәте хәбәр итте.

  • Очрашу Татарстан делегациясенең Цзинань шәһәренә (Кытай) эш сәфәре кысаларында узды.

Лю Цзяи әйткәнчә, Татарстан белән Шаньдун провинциясенең ун еллык хезмәттәшлек итүе дәвамында сәүдә-икътисади һәм гуманитар өлкәләрдә гаять зур нәтиҗәләргә ирешеп булды. Эре проектлар гамәлгә ашырылды. Алар арасында - республика территориясендә «Haier» заводы төзелде, «КАМАЗ» белән «Weichai Power» компаниясе арасында автомобиль двигательләре җитештерү өлкәсендә хезмәттәшлек турында килешү имзаланды. "Алга таба төбәкләребез арасында актив багланшылар дәвам итер дип өметләнәбез", - диде ул.

Визит делегации Республики Татарстан 
во главе с Президентом Республики Татарстан 
Р.Н.Миннихановым 
в город Цзинань (КНР).

Рөстәм Миңнеханов фикеренчә, бүген ике төбәк арасында ныклы элемтәләр булдыруга бөтен шартлар бар. Ул Россия һәм Кытай җитәкчелегенә әлеге эштә ярдәм итүләре өчен рәхмәтен белдерде.

«Haier» проектын Татарстанда уңышлы гамәлгә ашыру һәм «КАМАЗ» белән «Weichai Power» компанияләренең булачак уртак зур проекты Татарстан белән Шаньдун бизнесы вәкилләренә элемтәләр урнаштыруга этәргеч булырга тиеш, диде Татарстан Президенты.

Рөстәм Миңнеханов Лю Цзяи әфәндегә Татарстан белән Шаньдун эшлекле даирәләре катнашындагы бизнес-форум барышы турында хәбәр итте. "Татарстан һәм Кытай компанияләре презентацияләре узды, хезмәттәшлек өчен перспектив юнәлешләр билгеләнде", - диде ул.

Визит делегации Республики Татарстан 
во главе с Президентом Республики Татарстан 
Р.Н.Миннихановым 
в город Цзинань (КНР).

Иртәгә, 28 сентябрь көнне, Татарстан делегациясе Яньтай шәһәрендә булачак. Анда «Wanhua Chemical» химик компаниясе производствосы белән танышачаклар. 

Очрашу ахырында Рөстәм Миңнеханов Лю Цзяи әфәндегә Россиягә эш сәфәре кысаларында Татарстанга да килергә тәкъдим итте.  

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына