Дин

Бүген "Яңа Тура"да хәләл ярминкә уза

Хәләл ярминкә халыкны, шәригать кануннарына туры килгән сыйфатлы һәм арзанлы азык-төлек белән тәэмин итү өчен оештырыла.
29.09 10:42

(Казан, 29 сентябрь, "Татар-информ"). Бүген Татарстанның Яшел Үзән районында урнашкан "Яңа Тура" технополисы территориясендә хәләл ярминкә уздырыла. Бу турыда Татарстан мөселманнары Диния нәзарәте матбугат хезмәте хәбәр итте.

Ярминкәне ТР мөселманнары Диния нәзарәтенең "Хәләл" стандарты буенча комитеты, Яшел Үзән муниципаль районы Башкарма комитеты һәм "Яңа Тура" технополисы белән берлектә, оештыра.

Бу Яшел Үзән районында күчмә хәләл ярминкә уздыруның беренче тәҗрибәсе булачак. Халыкта кызыксыну уяткан очракта, аны киләчәктә дә оештыру планлаштырыла.

Хәләл ярминкә халыкны, шәригать кануннарына туры килгән сыйфатлы һәм арзанлы азык-төлек белән тәэмин итү максатыннан, шулай ук җирле җитештерүчеләргә ярдәм  итү өчен оештырыла, диелгән әлеге хәбәрдә.

Ярминкә "Яңа Тура" технополисының 1нче павильоны (зәңгәр төстәге павильон) мәйданчыгында иртәнге алтыдан көндезге уникегә кадәр эшләячәк. Биредә Татарстан һәм Идел буе төбәкләре җитештерүчеләре, фермерлык һәм крестьян хуҗалыклары продукциясе: ит һәм сөт, кондитер һәм башка төр азык-төлек, эшләнмәләр сатылачак. 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына