Татар дөньясы

Р.Миңнеханов Чиләбедә татар милли үзенчәлеген саклау өчен бөтен шартлар бар дип исәпли

Чиләбе өлкәсендә 180 меңнән артык татар яши, алар арасында танылган металлурглар, галимнәр һәм сәнгать әһелләре бар.
01.10 14:34

(Казан, 1 октябрь, "Татар-информ"). Чиләбе өлкәсе җитәкчелеге татар халкының мәдәниятен саклап калу һәм үстерү өчен барлык шартларны да тудырган. Бу хакта Чиләбе өлкәсе губернаторы Борис Дубровский белән сөйләшү барышында Татарстан Президенты Рөстәм Миңнеханов әйтте.

“Бүген без татар милләте вәкилләре белән очраштык. Алар үзләренең милли үзенчәлекләрен саклап калу өчен шартлар булу белән бик канәгать. Мин рәхмәтле һәм безнең элемтәләр киңәйсен өчен көчебездән килгәнне эшләрбез”, - диде Рөстәм Миңнеханов.

Ул Чиләбе өлкәсенең һәм Татарстанның стратегик партнерлар булуын әйтте. Чөнки республиканың машина төзү комплексы Урал металлургия компанияләре продукциясенә мохтаҗ.

  • Бүген Рөстәм Миңнеханов җитәкчелегендәге Татарстан делегациясе эш сәфәре белән Магнитогорск шәһәренә килде.

Республика башлыгы Чиләбе өлкәсенең татар оешмасы активы белән очрашты. Очрашу вакытында Магнитогорскида татар мәдәни үзәген оештыруга ярдәм итү турында фикер алыштылар. Шулай ук татар телен өйрәнү буенча этномәдәни компонент булган мәктәп оештыруга ярдәм итү, “Татарстан – Яңа Гасыр” телеканалының корпунктын ачу һәм Магнитогорск – Казан туры авиарейсын булдыру мәсьәләләре дә каралды.

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына