Җәмгыять, Фән һәм мәгариф

Әтнә укучысы “Мин булачак мал табибы” республика бәйгесендә I урын алды

Күлле Киме мәктәбенең VII сыйныф укучысы Раил Хисамиевны авыл хуҗалыгы һәм азык-төлек министры Марат Әхмәтов бүләкләгән.
05.10 09:00

(Әтнә, 5 октябрь, “Татар-информ", “Әтнә таңы”, Хәмит Бадиков). Әтнә укучысы “Мин булачак мал табибы” республика бәйгесендә I урын алды, дип яза җирле басма.

Бу бәйге июль аенда игълан ителде. Бәйгедә катнашырга да нәкъ менә укытучы Гөлсинә Хәкимуллина этәргеч ясаган.

“Уйнап кына тотынган идек, август башларында эшегез I урын алды, дип хәбәр иттеләр”, - ди Гөлсинә Хәкимуллина. Шуннан ихлас кызыксынып республикакүләм бәйге нәтиҗәләрен көтә башлыйлар. Сентябрь аенда “Иншагыз Татарстан буенча җиңүчеләр арасында”, дигән хәбәр алалар.

Бер уңайдан Казанга, “Корстон” күңел ачу комплексына кунакка чакыралар аларны.

- Бардык,тик биредә республиканың авыл хуҗалыгы һәм азык-төлек министры Марат Әхмәтов катнашында зур чара узасын белмәгән идек, - диләр.

“Корстон”га узгач берара гаҗәпләнеп карап торалар – залдагы бер як стена буйлап балаларның иҗат эшләреннән күргәзмә ясаганнар.

- Мин эшләргә сокланып карап йөргәндә, укучым яныма килеп: “Апа, безгә I урын икән”, - дигәч аптырап калдым. Баксаң, ул үзенең иншасын, шуның белән бергә бирелергә тиешле дипломны күреп килгән, - ди укытучы.

Чын бәйрәм була бу. Өстәлләр җәеп, зурлап авыл хуҗалыгы эшчәннәрен һәм бер уңайдан шушы конкурста җиңүчеләрне котлыйлар. Ә биредә бәйгедәге 3 номинациянең дә – инша язу, рәсем ясау һәм фотосурәт җиңүчеләре генә катнаша. Татарстан вице-премьеры һәм авыл хуҗалыгы һәм азык-төлек министры Марат Әхмәтов Раил Хисамиевка дипломнан тыш, кыйммәтле бүләктә тә тапшырган.

Шунда министр аннан: “Нишләп мал табибы булырга уйладың соң?” – дип сорап куя. Раил хайваннар яратуын әйтә.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.