Фән һәм мәгариф

Милли мәдәният һәм мәгариф мәктәбе киләчәктә физика, химия укытучылары да әзерләячәк

“Югары мәктәпнең “юл картасы”н эшләү белән мәшгульбез”, - диде Рәдиф Җамалетдинов.
05.10 12:25

(Казан, 5 октябрь, “Татар-информ”, Гөлнар Гарифуллина). КФУның Лев Толстой исемендәге Филология һәм мәдәниятара багланышлар институтының Г.Тукай исемендәге Милли мәдәният һәм мәгариф югары мәктәбе киләсе елдан физика, биология, химия кебек предметлар буенча да татар телле укытучылар әзерли башларга мөмкин. Бу хакта бүген “Татар-информ” агентлыгында узган матбугат конференциясендә институт директоры Рәдиф Җамалетдинов әйтте.

  • Габдулла Тукай исемендәге Татаристика һәм тюркология югары мәктәбе Г.Тукай исемендәге Милли мәдәният һәм мәгариф югары мәктәбе дип үзгәртелә. Мәктәп, яңа структура буларак, 1 ноябрьдән эшли башлый.

“Габдулла Тукай исемендәге Татаристика һәм тюркология югары мәктәбе Милли мәдәният һәм мәгариф югары мәктәбе дип үзгәртелү бүген эшчәнлекнең киңәюе белән бәйле. Әлегә кадәр Татаристика һәм тюркология югары мәктәбендә татар теле, әдәбияты, музыка, рәсем сәнгате буенча гына белгечләр әзерли идек. Быел төгәл һәм гуманитар фәннәр дә кушыла”, – диде Рәдиф Җамалетдинов. Көндезге бүлеккә математика һәм информатика, тарих һәм җәмгыять белеме, музыка һәм өстәмә белем бирү дигән белгечлекләргә кабул итү оештырылган.

“Югары мәктәпнең “юл картасы”н эшләү белән мәшгульбез. Һичшиксез, әлеге юл картасын эшләгәндә, Мәгариф министрлыгы белән тыгыз элемтәдә булачакбыз. Безгә бирелгән мәгълүматларга таянып, шуны әйтә алабыз: киләсе елда республика Хөкүмәте математика һәм физика, математика һәм информатика, биология һәм химия, чит телләр буенча укытучылар әзерләүгә заказ бирергә җыена. Киләсе 5 елга Хөкүмәтнең кайсы юнәлешләргә заказ бирергә җыенуын күрәсе килә”, - диде директор.

Рәдиф Җамалетдинов көндезге бүлеккә кабул ителгән балаларның һәркайсы өстәмә стипендия алачагын әйтте. “Аның шартлары бар. 1нче курста һәр студентка стипендия түләсәк, киләчәктә уку нәтиҗәләренә бәйле булачак”, - диде.

 

КӨН ҮЗӘГЕНДӘ

Мөфтият вәкиле хатын-кызларга ничә яшьтән хаҗга ялгыз барырга яраганын әйтте

45 яшькә кадәрге хатын-кызлар Согуд Гарәбстанына ирекле рәвештә керә алмый, диде “ДУМ РТ ХАҖ” программасы җитәкчесе Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.