Фән һәм мәгариф

КФУда татарча укучылар өчен махсус терминнар сүзлеге эшләнә

Әлеге сүзлек төгәл фәннәрне рус, инглиз, татар телендә үзләштерү мөмкинлеге бирәчәк.
05.10 17:00

(Казан, 5 октябрь, "Татар-информ", Гөлнар Гарифуллина). КФУның Филология һәм мәдәниятара багланышлар институтының Габдулла Тукай исемендәге Татаристика һәм тюркология югары мәктәбендә татарча укучылар өчен махсус глоссарийлар эшләнә. Бу хакта бүген "Татар-информ" агентлыгында узган матбугат конференциясендә Филология һәм мәдәниятара багланышлар институты директоры Рәдиф Җамалетдинов хәбәр итте.

1 ноябрьдән структура Милли мәдәният һәм мәгариф югары мәктәбе дип йөртелә башлый.

  • Глоссарий - төрле тармакларда кулланыла торган махсус терминнар сүзлеге.

"Мәгариф һәм фән министрлыгы белән сөйләшүләр алып барабыз. Бу балаларга махсус глоссарийлар эшләнә башлый. Глоссарийлар өч телдә булачак. Әйтик, математика буенча татарча, русча, инглизчә. Тарих, җәмгыять белем буенча да терминнар сүзлеге эшләнә. 5 ел дәвамында әлеге терминнар буенча тиешле эш оештырылачак. Югары мәктәпне тәмамлаган балалар татар, рус телендә генә түгел, инглиз телендә дә укытырлык булып чыгарга тиешләр", - диде ул.

Институт директоры урынбасары Рамил Мирзаһитов бүген тарих, математика, җәмгыять белеме кебек фәннәрнең татарча укытылуын әйтте. "Барлык предметларны да 100 процент дәрәҗәдә татарча укыта алмыйбыз. Берничә дәрескә үзем дә кереп чыктым. Тарих, математиканы татарча укыйлар, киләчәктә дә шулай дәвам итәрбез дип уйлыйбыз", - диде.

Рәдиф Җамалетдинов фәннәрне татарча укыту өчен башка институтлардан мөгаллимнәр килүен әйтте. Математиканы укыту өчен математика институтыннан, тарих, җәмгыять белеме буенча Халыкара мөнәсәбәтләр институтыннан укытучы белем бирә.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.