Хәвеф-хәтәр

Арчада балалар агулану очрагы буенча җинаять эше ачылган

Шулай ук Татарстан буенча Эчке эшләр министрлыгы хезмәткәрләре дә тикшерү үткәрәчәк.
05.10 20:53

(Казан, 5 октябрь, «Татар-информ»). Тикшерү комитетының Татарстан буенча идарәсе Арчада балалар агулану очрагы буенча җинаять эше кузгаткан. Бу турыда «Татар-информ» агентлыгына Россия Тикшерү комитетының Татарстан буенча Тикшерү идарәсе җитәкчесе өлкән ярдәмчесе Андрей Шептицкий хәбәр итте.

  • Алдан «Татар-информ» Арча хастаханәсенә Г.Тукай исемендәге Арча педагогика көллиятендә укучы 18 студентны хушбуй исе белән агулану билгеләре белән китерүләре турында хәбәр иткән иде. Беренчел мәгълүматлар буенча, бер студент кибеттән арзан бәягә хушбуй алган, көллияткә алып килгән һәм кабинетта сиптергән.

Студентларны агулану билгеләре белән район хастаханәсенә китергәннәр, аларга медицина ярдәме күрсәтелгән. Хәзер аларның тормышына куркыныч янамый. Зыян күргән 4 студент хастаханәгә ятудан баш тарткан.

Тикшерү комитеты «Куркынычсызлык таләпләренә җавап бирми торган товар һәм продукция җитештерү, саклау, сату» маддәсе буенча җинять эше кузгаткан. Һәлакәт урыны тикшерелгән һәм һава үрнәге алынган.

Шулай ук Татарстан буенча Эчке эшләр министрлыгы хезмәткәрләре дә тикшерү үткәрәчәк. Хәзер алар хушбуйның каян сатып алынган булуын һәм кем җитештерүен ачыклый.

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына