Икътисад, Рәсми Татарстан

Рөстәм Миңнеханов Россия Финанс министрлыгы керткән закон проектына карата фикерен әйтте

Татарстан инвесторлары Россия Федерациясе Хөкүмәтенә 4 трлн сумлык проектлар тәкъдим итәргә әзер.
05.10 21:32

(Казан, 5 октябрь, “Татар-информ”, Гөлнар Гарифулина). Татарстан инвесторлары, капиталь кертемнәрне саклау һәм хуплау турында килешүләр төзү өчен, Россия Федерациясе Хөкүмәтенә 4 трлн сумлык проектлар тәкъдим итәргә әзер. Татарстан Президенты Рөстәм Миңнеханов Казан Кремлендә журналистларга РФ Финанслар министрлыгы закон проектына карата бәяләмәсен җиткерде.

Биредә инвесторлар өчен төрле өстенлекләрне күздә тоткан закон проекты инициативасы турында сөйләшү булды.

“Төрле инвестицион проектларга ярдәм итү юнәлешендә күптән эшлибез. Җитди норматив документ әзерләнгән. Билгеле бер күләмдә финанслау булганда, дәүләт үзгәрешсез салым тарифларын гарантияли. Субсидияләр алу, салым түләү хисабына инфраструктура чыгымнарын компенсацияләү мөмкинлеге бар. Бүген безнең белән булган коллагалар-губернаторлар да, барыбыз да, тулаем алганда, бу икътисад үсешенә, яңа эш урыннары булдыруга этәргеч бирү өчен яхшы мөмкинлек, дип саныйбыз”, - диде Татарстан Президенты. Бу проектлар импортны алмаштыруга, экспортка юнәлеш тоткан булырга тиешлеген әйтте.

“Безнең 2024-2030 елга кадәр 4 трлн сумнан артык суммага проектлар җыелган. Бу амбициоз планнар. Бу нефть эшкәртүне үстерү, яңа этилен комплексы төзү, газ эшкәртүне киңәйтү, машина төзү юнәлеше белән бәйле. Агросәнәгать комплексындагы проектлар турында фикер алыштык. Без күргән закон проекты документы инвесторлар җәлеп итү өчен яхшы корал булачак. Якын арада норматив документлар кабул итүгә таба хәрәкәт булыр, дип уйлыйм”, - диде Рөстәм Миңнеханов.

  • Киңәшмәдә Калининград өлкәсе губернаторы Антон Алиханов, Түбән Новгород өлкәсе губернаторы Глеб Никитин, Мәскәү мэры урынбасары Владимир Ефимов һәм башкалар катнашты. 

КӨН ҮЗӘГЕНДӘ

Мөфтият вәкиле хатын-кызларга ничә яшьтән хаҗга ялгыз барырга яраганын әйтте

45 яшькә кадәрге хатын-кызлар Согуд Гарәбстанына ирекле рәвештә керә алмый, диде “ДУМ РТ ХАҖ” программасы җитәкчесе Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.