Авыл

Әлмәттә авыл хуҗалыгы хезмәтчәннәрен котладылар

Быел район кырларыннан 95,6 мең тонна ашлык җыеп алынган.
06.10 05:00

(Әлмәт, 6 октябрь, "Татар-информ", "Әлмәт таңнары"). Эш беткәч, ял итәргә, күңел ачарга да була. Бүген район хуҗалыкларында урып-җыю тәмамланды. Терлекләр фермага кайтарылды. Әлмәтлеләр Авыл хуҗалыгы һәм эшкәртү сәнәгате хезмәтчәннәре көнен тынычлап билгеләп үтте, дип яза җирле басма.

Райондагы агросәнәгать эшчәнлеге турында күргәзмәләрдән дә белергә була иде. Хуҗалыклар яшелчә-җимеш, сөт продукцияләре, икмәк-булка, ит әйберләре һәм башкаларны алып килгән.

Тантаналы өлеш район башлыгы Айрат Хәйруллин чыгышы белән башланды. Ул авылда бары тик җирне, хезмәтне яраткан кешеләр генә хезмәт куюын искәртеп, аларга рәхмәтен җиткерде. Быел район кырларыннан 95,6 мең тонна ашлык җыеп алынган. Айрат Хәйруллин республика программаларының авылларда да эшләвен билгеләп үтте. Авыл хезмәтчәннәрен тәбрик итәргә авыл хуҗалыгы һәм азык-төлек министры урынбасары Илдус Габдрахманов та килгән иде. Ул да изге теләкләрен җиткерде.

Алдынгыларга ТР Министрлар Кабинеты, район башлыгының Рәхмәт хатлары тапшырылды.

Рөстәм Асаев, Рамил Галимҗанов һәм район үзешчәннәре безне туендыручыларга матур җыр,биюләрен бүләк итте.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына