Рәсми Татарстан

Рөстәм Миңнеханов Япониягә эш сәфәренә килде

Эш сәфәре ике көн - 7-8 октябрьдә дәвам итәчәк.
07.10 09:14

(Казан, 7 октябрь, "Татар-информ"). Бүген Татарстан Республикасы Президенты Рөстәм Миңнеханов Япониягә эш сәфәренә килде. Эш сәфәре кысаларында ул Япониянең Киото, Кобе, Канадзава шәһәрләрендә булачак.

  • Эш сәфәренең төп максаты – «Җәмгыятьтә фән һәм технологияләр» (STS-форум) халыкара форумында катнашу. 2004 елның ноябрендә бу форумның беренче тантаналы утырышы Япониянең Киото шәһәрендә узган. 2018 елда 15 нче утырышы булачак.

«Җәмгыятьтә фән һәм технологияләр» (Science and Technology in Society) форумы фән һәм техника куллану юлы белән дөньяда барлыкка килүче проблемаларны хәл итәрлек формаль булмаган нигездә ачык дискуссияләр мәйданчыгы буларак оештырылган.

Рөстәм Миңнеханов «Тотрыклы үсеш» пленар сессиясендә катнашачак.

Япониягә эш сәфәре кысаларында Татарстан Президенты берничә эшлекле очрашу һәм сөйләшүләр уздырачак, шул исәптән Исикава префектурасы губернаторы Масанори Танимото, Япония Премьер-министрының махсус киңәшчесе Эйити Хасэгава белән дә очрашулар булачак.

Рөстәм Миңнеханов шулай ук RIKEN биомедицина кластерында, Хокусё заводында (конвеер һәм сортларга аеру җайланмалары җитештерү) булырга, Татарстан-Япония эшлеке форумында катнашырга ниятли.

Татарстан делегациясе составында Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Премьер-министры урынбасары Ләйлә Фазлыева, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина һәм башкалар.

 

КӨН ҮЗӘГЕНДӘ

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.

Мөфтият вәкиле хатын-кызларга ничә яшьтән хаҗга ялгыз барырга яраганын әйтте

45 яшькә кадәрге хатын-кызлар Согуд Гарәбстанына ирекле рәвештә керә алмый, диде “ДУМ РТ ХАҖ” программасы җитәкчесе Ранис хәзрәт Вахитов.