Хәвеф-хәтәр

Арча педагогика көллияте студентларын хастаханәдән чыгарганнар

Башлангыч мәгълүматларга караганда, аллергияне кызлар аудиториядә сиптергән хушбуйның бер компоненты китереп чыгарган.
08.10 11:31

(Казан, 8 октябрь, «Татар-информ»). Арча педагогика көллияте студентларын хастаханәдән чыгарганнар. Бу хакта «Татар-информ» агентлыгына ТР Сәламәтлек саклау министрлыгының матбугат хезмәтеннән хәбәр иттеләр.

Башлангыч мәгълүматларга караганда, аллергияне кызлар аудиториядә сиптергән хушбуйның бер компоненты китереп чыгарган. Зыян күрүчеләрнең барысына да гистаминга каршы терапия үткәрелгән. Кызларның хәле тотрыклы.

Моңа кадәр «Татар-информ» агентлыгы Арча педагогика көллиятендә узган җомгада гадәттән тыш хәл килеп чыгуы хакында хәбәр иткән иде. Студент кызларның берсе аудиториягә кибеттә арзан бәягә юнәткән хушбуй алып килгән. Ислемайны берничә тапкыр сиптергәч, берничә минуттан соң кызларның хәле начарайган.

18 студентны хастаханәгә озатканнар. Табиблар тиешле процедуралар үткәргән, хәзер зыян күрүчеләрнең хәле тотрыклы.

Әлеге факт буенча «Куркынычсызлык таләпләренә җавап бирми торган товарлар һәм продукция җитештерү, саклау, ташу яки сату» маддәсе буенча җинаять эше кузгатылган. 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына