Рәсми Татарстан

Рөстәм Миңнеханов: Татарстан Япония эшкуарлары белән хезмәттәшлекне киңәйтергә әзер

Татарстан делегациясе Япониянең Канадзава шәһәрендә узган «Татарстан-Япония» бизнес-форумында катнашты.
08.10 14:23

(Казан, 8 октябрь, «Татар-информ»). Татарстан Республикасы тышкы икътисади хезмәттәшлекне актив рәвештә үстерә һәм Япония бизнесы вәкилләре, Исикава префектурасы белән хезмәттәшлекне киңәйтергә әзер. Бүген ТР Президенты Рөстәм Миңнеханов Япониянең Канадзава шәһәрендә узган «Татарстан-Япония» бизнес-форумы кысаларында шул хакта сөйләде. Бу турыда республика башлыгының матбугат хезмәте хәбәр итә.

Татарстанда Япония партнерлары белән хезмәттәшлек итүдә яхшы тәҗрибә тупланган, диде Миңнеханов. Ул «Мицубиси Хэви Индастриз» һәм «Соджиц» компанияләре тарафыннан ачылган минераль ашламалар җитештерү буенча «Аммоний» заводын мисал итеп китерде.

Япония компанияләренең технологияләре һәм капиталы нефть химиясе производстволары төзелешендә, сәламәтлек саклау һәм авыл хуҗалыгын үстерүдә, республиканы мәгълүматлаштыруда да кулланылды, диде республика башлыгы.

Моннан тыш, республика Россия һәм Көнчыгыш Европа белән сәүдә итү буенча Япония Ассоциациясе (РОТОБО) һәм тышкы сәүдәне үстерү буенча Япония оешмасы (ДЖЕТРО) белән дә хезмәттәшлек итә.

Рөстәм Миңнеханов шулай ук студентлар алмашуны активлаштырырга, мәдәният, фән, мәгариф, туризм өлкәләрендә хезмәттәшлекне үстерергә кирәк, дип искәртте. 

КӨН ҮЗӘГЕНДӘ

Мөфтият вәкиле хатын-кызларга ничә яшьтән хаҗга ялгыз барырга яраганын әйтте

45 яшькә кадәрге хатын-кызлар Согуд Гарәбстанына ирекле рәвештә керә алмый, диде “ДУМ РТ ХАҖ” программасы җитәкчесе Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.