Хәвеф-хәтәр

Казанда күпләп домофон урлаучы тоткарланган

Карак идарә компаниясенә 26 мең сумлык зыян салган.
08.10 18:43

(Казан, 8 октябрь, “Татар-информ”). Казанда полиция хезмәткәрләре домофоннар урлаучы каракны тоткарлаган. Бу хакта “Татар-информ”га Россия Эчке эшләр министрлыгының Казан идарәсе матбугат хезмәтендә хәбәр иттеләр.

Август ахырында “Сафиуллин” полиция бүлегенә идарә компаниясе вәкилләре мөрәҗәгать иткән. Алар төнлә дүрт подъездның домофоннары урлануын әйткән. Карак идарә компаниясенә 26 мең сумлык зыян салган.

Полицейскийлар видеокүзәтү камерасыннан язмаларны алган һәм шаһитлардан сораштырган.

Видеокүзәтү камерасыннан булган язмалар нигезендә хокук сакчылары мөмкин булырдай җинаятьченең шәхесен ачыклый алган. Ул шушында яшәүче 33 яшьлек кеше булып чыккан. Шикле кеше тоткарланган. Аның фатирында урланган барлык домофоннар табылган.

Соңрак ачыкланганча, тоткарланучының шундый ук тагын бер - 5енән 6 сентябрьгә каршы төндә кылынган җинаятькә катнашы барлыгы билгеле булган. Әлеге фактлар нигезендә “Урлау” маддәсе буенча җинаять эше кузгатылган.
 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына