Икътисад

Менделеевск өстенлекле социаль-икътисади үсеш территориясе (ТОСЭР) статусы алырга мөмкин

Бүген Татарстанда өстенлекле социаль-икътисади үсешле 4 территория гамәлдә.
08.10 20:11

(Казан, 8 октябрь, «Татар-информ», Гөлнар Гарифуллина). Менделеевскига  ел азагына кадәр өстенлекле социаль-икътисади үсеш территориясе (ТОСЭР) статусы бирелергә мөмкин. Бу хакта бүген республиканың Дәүләт Советында парламент тыңлауларында билгеле булды.

Татарстанның икътисад министры Фәрит Габделганиев әйтүенчә, Татарстан Хөкүмәте заявкасын федераль министрлыклар хуплаган. "ТОСЭР статусына заявка 2018 елның маенда бирелгән иде, ул Россия Федерациясе Финанс министрлыгында һәм Юстиция министрлыгында хуплау тапты. Бүген заявка РФ Хөкүмәтендә карала, ел азагына кадәр карар кабул ителер, дип ышанабыз", - дип белдерде Габделганиев.

Республикада бүген өстенлекле социаль-икътисади үсеш территориясе статусына 4 шәһәр ия. Беренче булып, статус Яр Чаллыга бирелде. Аннары Чистай, Яшел Үзән һәм Түбән Кама өстәлде. “Яр Чаллы” территориясендә 24 резидент теркәлгән. Анда 2 меңнән артык эш урыны булдырылган. 10 ел эчендә санап үтелгән 4 шәһәрдә барлыкка киләчәк яңа эш урыннары 17 меңнән дә ким булмас, дип көтелә.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына