Җәмгыять, Фән һәм мәгариф

Әтнә район суды хезмәткәрләре мәктәп укучылары белән очраштылар

Алар укучыларны суд эшчәнлеге белән таныштырдылар.
09.10 08:00

(Әтнә, 9 октябрь,  “Татар-информ, “Әтнә таңы”, Фәридә Филатова). Әтнә районы суды рәисе Азат Нәҗмиев, судья ярдәмчесе Алия Сафиуллина, суд администраторы Марсель Фәйзрахманов укучыларны суд эшчәнлеге белән таныштырдылар, дип яза җирле басма.

Соңгы елларда суд хезмәткәрләре очрашуларда бик теләп катнаша башлады. Мәгариф министрлыгы белән ике арада төзелгән килешүнең дә бер шарты булып тора бу. Суд эше, аның эшчәнлеге белән якыннан таныштыру, төрле терминнарга аңлатмалар бирү, бу эшнең нечкәлекләре – шул хакта сүз алып барылган мондый очрашулар, бер яктан, бу юнәлештә укучыларның белемнәрен баетса, икенче яктан, киләчәген законнар үтәлешен саклау органнары белән бәйләү теләге булган балалар өчен дә бер дигән мөмкинлек. Үзләрен кызыксындырган сорауны турыдан-туры район суды рәисенә, яки аның ярдәмчеләренә бирергә мөмкин.

Күәм урта мәктәбе укучылары белән очрашуга район суды рәисе Азат Нәҗмиев, судья ярдәмчесе Алия Сафиуллина, суд администраторы Марсель Фәйзрахманов килде. Очрашуның төп темасы “Җавапсызлыктан җинаятькә бер адым” дип аталды. “Безнең максат – сезгә суд органының нәрсә икәнен, биредә нинди юнәлештә эш алып барылуын аңлату, – дип башлады үз чыгышын суд рәисе.

Административ һәм җинаять җаваплылыгына ничә яшьтән тартылуларын да аңлатып узды белгечләр, җәмәгать суды хакында да аңлатма бирделәр, кайсы очракта укучы үзе, ә кайсы очракта аның өчен әти-әнисе җавап бирүе хакында да сөйләделәр. Шул ук вакытта судья һөнәрен сайлаган очракта, кайда белем алу мөмкинлегенә дә тукталдылар, диелә район хәбәрендә.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.