Фән һәм мәгариф

КФУда Л.Н.Толстой исемендәге фәнни-гамәли фестиваль була

Фестиваль барышында әдәби, академик, иҗади һәм тәрҗемәчеләр мәйданчыгы эшлиячәк.
09.10 10:19

(Казан, 9 октябрь, “Татар-информ”, Зилә Мөбәрәкшина). 11- 14 ноябрь көннәрендә КФУның Филология һәм мәдәниятара багланышлар институтында Л.Н.Толстой исемендәге V Фәнни-гамәли фестиваль үтәчәк. Бу хакта “Татар-информ” агентлыгы хәбәрчесенә институтның рус һәм чит ил әдәбияты кафедрасы белгечләре хәбәр итте.

Фестиваль “2014-2020 елларда Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү” дәүләт программасы кысаларында һәм республикада Лев Толстой елы уңаеннан уздырыла. Фестивальдә катнашырга яшь галимнәр, аспирантлар, музей хезмәткәрләре, студентлар, мәктәп укучылары, Лев Толстой иҗатын өйрәнүчеләр чакырыла.

  • Фестивальнең максаты – Лев Толстой иҗатының актуаль проблемаларын һәм аларның хәзерге заманда әһәмияте турында сөйләшү, Россиянең һәм чит илнең яшь тикшеренүчеләрнең фән һәм җәмгыять өлкәсендәге белемнәрен үстерү.

Фестиваль барышында әдәби, академик, иҗади һәм тәрҗемәчеләр мәйданчыгы эшлиячәк.

“Фестивальнең үзәгендә тәрҗемәчеләр секция-мәйданчыгы тора. Катнашучылар чикләнгән вакыт аралыгында Л.Н.Толстой әсәренең бер өзеген Европа телләренә (инглиз, немец, француз, испан, итальян һ.б.) яисә көнчыгыш телләргә (татар, төрек, кытай, корея һ.б.) тәрҗемә итәчәкләр. Сүзлекләр кулланырга рөхсәт ителә. Тәрҗемәнең максаты – тәкъдим ителгән өзекнең, Л.Н.Толстойның язу үзенчәлеген саклап калып, төгәл мәгънәсен бирү. Гаризада тәрҗемә итәргә теләгән телне күрсәтү сорала”, - диде фестивальнең оештыручылары.

Фестиваль кысаларында Л.Н.Толстойның әсәрләрен тәкъдим иткән иҗат коллективларның чыгышлары һәм язучының романнары сюжетына язылган музыкаль өзекләр булачак. Фестиваль кунакларына экскурсия үткәрелер дип көтелә.

  • Фестивальдә катнашырга теләүчеләр 20 октябрьгә кадәр tolstoj_festkzn@mail.ru электрон почтасына гариза тутырып җибәрергә тиеш. Хатның темасында секцияне күрсәтү мәҗбүри.

 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.